Popular Bible Verses from داورلر 6

Share

ربّئن مَله‌یی اونا گؤرونوب ددی: «ای جسور جنگ‌آور، رب سنئنله‌دئر.»

رب اونا باخیب ددی: «بو قووّتئنله گت، ائسرایئلی مئدیانلی‌لارین اَلئندن قورتار. سنی گؤندَ‌رَن من مگر دیئلم؟»

لاکئن رب اونا ددی: «من یقئن سنئنله اولاجاغام، سن ده مئدیانلی‌لارین هامیسینی بئر نفر کئمی قیراجاقسان.»

جِدعون اونا ددی: «آه منئم آغام، اگر رب بئزئمله‌دئر، بس بوتون بو ائشلر باشیمیزا نئیه گلئب؟ اونون او بوتون موجوزه‌لری بس هانی کی، آتالاریمیز اونلاردان دانیشیب دیئردئلر: ”مگر رب بئزی مئصئردن چیخارتمادی؟“ ائندی رب بئزی آتیب و مئدیانلی‌لارین اَلئنه ورئب.»

جِدعون اونا ددی: «ای آغام، ائسرایئلی من نجه قورتاریم؟ باخ، منئم طایفام مِنَسّه قبئله‌سئنده هامیسیندان لاپ کئچئکدئر، من ده آتامین اِوئنده هامیدان لاپ کئچئیَم.»

سونرا ربّئن مَله‌یی گلئب اَبئعِزِرلی یوآشین عوفرا شهرئنده‌کی چؤل پوسته‌سی آغاجینین آلتیندا اوتوردو. یوآشین اوغلو جِدعون اوزوم سیخیلان یرده تاخیلی دویوردو کی، مئدیانلی‌لاردان گئزلَتسئن.

جِدعون اورادا ربّه بئر قوربانگاه دوزَلتدی و اونون آدینی یَهوِه-شالوم قویدو. بو قوربانگاه بو گونه قدر اَبئعِزِرلی‌لرئن عوفرا شهرئنده‌دئر.

جِدعون ددی: «اگر ائندی سنئن گؤزونده لوطف تاپمیشام، منه بئر علامت گؤرسد، بئلئم کی، منئمله دانیشان سن‌سن.

رب اونا ددی: «آرام اول، قورخما، اؤلمه‌یه‌جکسن.»

ائسرایئل اؤولادلاری گئنه ده ربّئن گؤزونده پئس ائشلر گؤردولر؛ رب ده اونلاری یدّی ائل مئدیانلی‌لارا تسلئم اتدی.