Popular Bible Verses from ۱پادشاهلار 3

Share

بونا گؤره منه اله بئر درّاکه‌لی اورَک ور کی، یاخشی ائله پئسی آییرد ادئب سنئن خالقینا حؤکم اده بئلئم. چونکی سنئن بو بؤیوک خالقینا کئم حؤکم اده بئلر؟»

باخ، من ائسته‌یئنی یرئنه یتئرمئشم: باخ، سنه اله بئر حئکمتلی و درّاکه‌لی اورَک ورمئشم کی، سنئن کئمئسی نه سندن اوّل اولموش، نه ده سندن سونرا اولاجاق.

تاری اونا ددی: «چونکی بونو ائسته‌دئن و اؤزون اوچون اوزون عؤمور، وار-دؤولت، یا دا دوشمنلرئنئن جا‌نینی ائستمه‌دئن، بونلارین یرئنه درّاکه ائسته‌دئن کی، عدالتی آییرد اده‌سن،

سنه ائستمه‌دئیئنی ده ورمئشم؛ هم وار-دؤولتی، هم ده جاه-جلالی. بله کی بوتون عؤمرون بویو پادشاهلار آراسیندا سنئن کئمئسی اولمایاجاق.

اگر سن آتان داوود کئمی قایدالاریما و امرلرئمه عمل ادئب یوللاریملا گده‌سن، او زامان عؤمرونو اوزاداجاغام.»

گئبعوندا رب سولیمانا گجه یوخوسوندا گؤروندو. تاری ددی: «نه ائسته‌یئرسن، سنه ورئم؟»

ائندی، یارب تاریم، بو قولونو آتام داوودون یرئنه پادشاه ادئبسن حال بو کی، من کئچئک بئر اوشاغام، نه ادئب-اتمه‌جیئمی بئلمئرم.

سولیمانین بو ائسته‌یی ربّئن گؤزونه خوش گلدی.

سولیمان ددی: «سن قولون آتام داوودا بؤیوک شفقت گؤرسدئبسن، چونکی او سنئن حوضوروندا صداقت، صالحلئک، و اورَک دوغرولوغو ائله یاشادی. بو گون ده تختئنده اوتوران بئر اوغول ورمکله اونا اؤز بؤیوک مهرئبانلیغینی ساخلاییبسان.

قولون سنئن سچدئیئن خالقین آراسیندادیر؛ اله بؤیوک بئر خالق کی، ساییسیز-حسابسیزدیر.