Popular Bible Verses from لوقا روایت 12

Share

سئز ده گرک حاضیر اولاسیز، چونکی ائنسان اوغلی سئزئن گومان اِله‎ مه ‎دئیئز ساعاتدا گله‌جک.»

آنجاق سئز تارینین پادشاهلیغی دالیسیجا اولون کی، بو شیلر سئزه ورئله‌جک.

عئسا خالقا ددی: «آییق اولون! اؤزوزی هر جور طاماحکارلیقدان اوزاق ساخلایین، چونکی ائنسانین حیاتی، اونون وار-دؤولتئنئن چوخلوغونا باغلی دِیئل.»

چونکی سئزئن خزئنه‌ز هاردا اولسا، اوره‌یئز ده اله اوردا اولاجاق.

سئزلردن کئم وار کی، نئگاران اولماق ائنان بئر ساعات عؤمرونه آرتیرا بئلسئن؟!

عئسا اؤز شاگئردلرئنه ددی: «بونون اوچون سئزه دیئرم؛ اؤز حیاتیز اوچون نئگاران اولمایین کی، نه یئیه‌جکسئز و بدنئز اوچون ده نئگاران اولمایین کی، نه گئیه‌جکسئز.

حتّا سئزئن باشیزداکی توکلرئن ده هامیسی بله ساییلیب. قورخمایین؛ سئزئن ارزئشئز، بئر چوخلی سرچه‌دن آرتیق‎دیر.

ای کئچئک سوری قورخمایین! چونکی گؤیده‎ کی آتازین رئضاسی بودور کی، او پادشاهلیغی سئزه ورسئن.

قارغالارا باخین: نه اَکئرلر، نه بئچئرلَر، نه آنبارلاری وار، نه ده مخزنلری، آمّا گئنه تاری اولارین روزی‌سئنی ورئر. سئزئن ارزئشئز قوشلاردان نه قدر آرتیق‎دیر!

بس، سئز نه یئیه‌جه‌یئزین و نه ائچه‌جه‌یئزئن قیدئنه قالمایین؛ بولار اوچون نئگاران اولمایین.

آمّا اگر تاری، بو گون چؤلده اولان اوتی کی، صاباح اوجاغا آتیلیر بِله گیئندئرئر، نه قدر آرتیق سئزی گِیئندئرجک ای آز ایمانلی‌لار!

هچ اؤرتولی بئر شی یوخدور کی، آشکارا چیخماسین، یا دا هچ گئزلئن بئر شی یوخدور کی، بئلئنمه‌سئن.