Popular Bible Verses from ۲قورئنتلی‌لره 1

Share

موتبارک اولسون تاری و ربّئمئز عئسا مسئحئن آتاسی کی، رحمتلرئن آتاسی و بوتون تسلّی‌لرئن تاریسی‌دیر. اله او تاری کی، بئزه بوتون موصئبتلرئمئزده تسلّی ورئر، اله کی بئز ده هر جور موصئبت آلتیندا اولانلارا، تارینین بئزه وردئیی تسلّی ائنن تسلّی وره بئلک.

چونکی نجه مسئحئن عذابلاریندا بئر چوخ اؤلچوده پاییمیز وار، اِله ‌اوجور ده مسئحئن واسئطه‌‌سی‌ ائنن بئر چوخ اؤلچوده‌ تسلّی تاپیریق.

ائچئمئزده اؤلوم حؤکمونی حئسّ اِله‎ دئک، آمّا بو اونون اوچون اولدی کی، اؤزوموزه یوخ، بلکی اؤلولری دئرئلدن تارییا توکّول اله‌یک.

تاری‌دیر کی، بئزی سئز ائنن برابر مسئحده ثابئت دوردورور و مسح اله‌یئر و بئزی مؤهورله‌یئب و موقدّس روحی بیعانه کئمی بئزئم اوره‌کلرئمئزه قویوب.

اگر بئز موصئبت آلتینداییق، بو سئزئن تسلّی و نئجاتیز اوچوندور و یا اگر تسلّی تاپیریق، سئزئن تسلّئز اوچوندور، و بو اوندا تأثئرلی اولور کی بئزئم چکدئیئمئز همن عذابلاردا صبر‌‌ ائنن دؤزورسوز.