Popular Bible Verses from ۱قورئنتلی‌لره 15

Share

اونا گؤره عزئز قارداشلاریم، مؤحکم و ثابئت دورون و هر زامان ربّئن ائشئنده جوشون و بئلئن کی، ربّئن یولوندا چکدئیئز زحمت بوش یره دیئل.

آمّا تارییا شوکور اولسون کی، ربّئمئز عئسا مسئحئن واسئطه‌سی‌ ائنن بئزه ظفر ورئر.

آلدانمایین؛ «پئس یولداش یاخشی اخلاقی پوزار.»

آمّا تارینین فیضی ائنن هر نه‌یَم، اله اویام و اونون منه اولان فیضی بوش دیئلدی. عکسئنه، من اولارین هامیسیندان چوخ زحمت چکدئم، داها دوغروسی، من یوخ، بلکی تارینین فیضی کی، من ائنن دئر.

«ای اؤلوم، هانی سنئن ظفرئن؟ ای اؤلوم، هانی سنئن سانجماغین؟» اؤلومون سانجماغی گوناه و گوناهین قودرتی شرئعتدئر.

باخین، سئزه بئر سئرّ دیئرم، هامیمیز گؤزلرئمئزی حیاتا یوممایاجاغیق، آمّا هامیمیز دیئشئله‌جه‌یئک؛ بئر آن ائچئنده، بئر گؤز قیرپمادان، آخیر شیپور چالیناندا. چونکی شیپور چالیناجاق و اؤلولر قیری‌‌‌فانی شکئلده دئرئله‌جکلر و بئز دیئشئله‌جه‌یئک.

چونکی نجه اؤلوم بئر ائنسان واسئطه‌‌سی‌ ائنن گلدی، اؤلولردن دئرئلمه ده بئر ائنسان واسئطه‌‌سی‌ ائنن گلدی. نجه کی، آدَمده هامی اؤلور، مسئحده ده هامی دئرئلر.

چونکی بو چورویَن گرک چورولمه‌ینی گیسئن و بو فانی گرک قیری‌‌‌فانئلئیی گیسئن.

چونکی او، گرک او زاماناجاق کی، تاری اونون بوتون دوشمنلرئنی اونون آیاغی آلتینا قویا، سلطنت اله‌سئن. آخیرینجی دوشمن ده کی گرگ یوخ اولونا، اؤلومدور.