Popular Bible Verses from ۱قورئنتلی‌لره 12

Share

آمّا هر کسه روحون ظوهوری خیئر اوچون ورئلئر.

سئز ده ائندی مسئحئن بدنئسئز، هر بئرئز ده اونون عوضولرئسئز.

و اگر بئر عوضو عذاب چکئر، هامی عوضولر اونونان عذاب چکرلر؛ و اگر بئر عوضو عئزّت قازانیر، هامی عوضولر اونونان شادلیق اله یرلر.

موقدّس روحون واسئطه‌‌سی‌ ائنن بئرئنه حئکمت کلامی، و آیری بئرئنه اِله همن روحون واسئطه‌‌سی‌ ائنن معرئفت کلامی ورئلئر. بئرئنه همن روحون واسئطه‌‌سی‌ ائنن ائمان ورئلئر، آیری بئرئنه ده همن روحون واسئطه‌‌سی‌ ائنن شفا عطالاری ورئلئر. بئرئنه مؤجوزه‌لر یاراتماسی، بئرئنه نبئلئک، بئرئنه روحلاری تشخئص ورئب آییرد اله‌مک، بئرئنه موختلئف دئللر، بئرئنه ده دئللرئن ترجومه‌سی.

آمّا بوتون بولاری بئر و همن روح یرئنه یتئرئر و نجه کی، ائسته‌یئر، هر کسه فردن بؤلوشدوروب ورئر.

بدنده آیریلیق اولماسین، آمّا عوضولر بئر‌بئرئنئن قیدئنه قالسینلار.

عطالار جوربه‌جور، آمّا روح همن‌دئر. خئدمتلر جوربه‌جور، آمّا رب همن‌دئر. عمللر ده موختلئف، آمّا تاری همن‌دئر، هامیدا هر شیی یرئنه یتئرن ده اودور.

و تاری کئلئسادا بئرئنجی حوارئلری، ائکئنجی نبئلری، اوچونجی موعلّئملری، سورا مؤجوزه ائشلرئنی، سورا شفا عطاسینی، سورا کؤمک، ائداره اله‎ مه ‎یی و موختلئف دئللره دانیشماغی تعیئن اله‌یئب.

چونکی بدن بئر عوضودن یوخ، چوخ عوضودن عئبارتدئر.

عکسئنه، بدنئن داها ضعئف گؤرونن عوضولری چوخ دا لازیمدیرلار.

اگر بوتون بدن گؤز اولسایدی، نجه اشئده بئلردی؟ اگر بوتون بدن قولاق اولسایدی، نجه ائیی بئله‌ردی؟ آمّا تاری عوضولرئن هر بئرئسئنی، اؤزی ائسته‌دئیی کئمی بدنده یرلشدئرئب. و اگر هامیسی بئر عوضو اولسایدی، بدن نه اولاردی؟