ခရစ်တော်ယေရှု၏ အသေခံတော်မူခြင်းအားဖြင့် လူတို့သည် အပြစ်များမှပြေလွတ်နိုင်ကြစေရန် ဘုရားရှင်သည် ထိုအရှင်ကို ပူဇော်သက္ကာအဖြစ် သတ်မှတ်တော်မူ၏။ လူတို့သည် ခရစ်တော်ယေရှုကို ယုံကြည်ကြခြင်းဖြင့် အပြစ်များမှ ပြေလွတ်ခြင်းကို ခံစားကြရ၏။ ဘုရားရှင်သည် ခရစ်တော်ယေရှုကို ပူဇော်သက္ကာအဖြစ် သတ်မှတ်ခြင်းမှာ ကိုယ်တော်သည် ဖြောင့်မတ်တော်မူသော အရှင်ဖြစ်ကြောင်းကို ပြသရန်ဖြစ်သည်။ ယခုခေတ်ကာလအထိတိုင် ဘုရားရှင်သည် စိတ်ရှည်သည်းခံတော်မူပြီးလျှင် လူတို့ကျူးလွန်ခဲ့ကြသည့် အပြစ်များကို အရေးယူတော်မူခြင်း မရှိခဲ့ပေ။ သို့ရာတွင် ယခုခေတ်ကာလ၌ ကိုယ်တော်သည် မိမိ၏ ဖြောင့်မတ်ခြင်းကို ပြသရန်အတွက် လူတို့၏အပြစ်များကို အရေးယူတော်မူ၏။ ဤနည်းအားဖြင့် ဘုရားရှင်သည် မိမိကိုယ်တိုင်ပင် ဖြောင့်မတ်သော အရှင်ဖြစ်တော်မူကြောင်းကိုလည်းကောင်း၊ ကိုယ်တော်ယေရှုအား ယုံကြည်သူအပေါင်းတို့ကို မိမိနှင့်မှန်ကန်စွာ ဆက်ဆံစေတော်မူကြောင်းကိုလည်းကောင်း ဖော်ပြတော်မူ၏။