Popular Bible Verses from Revelation 7

Share

ထို့နောက် ကျွန်ုပ်ကြည့်လိုက်ရာ မည်သူမျှမရေတွက်နိုင်သော လူအုပ်ကြီးရှိ၏။ သူတို့သည် တိုင်းနိုင်ငံအသီးသီး၊ မျိုးနွယ်စုအသီးသီး၊ လူမျိုးအသီးသီးနှင့် ဘာသာစကားအသီးသီး ပြောသည့်သူများမှ ဖြစ်ကြ၏။ သူတို့သည် ဝတ်ရုံဖြူကို ဝတ်ဆင်လျက် လက်များ၌ စွန်ပလွံခက်များကိုကိုင်၍ ရာဇပလ္လင်တော်နှင့် သိုးသငယ်တော်ရှေ့၌ ရပ်နေကြ၏။

သူတို့က “ရာဇပလ္လင်တော်ပေါ်တွင် ထိုင်တော်မူသောငါတို့၏ ဘုရားရှင်နှင့် သိုးသငယ်တော်တို့သည် ငါတို့ကို ကယ်တင်တော်မူပြီ” ဟုကျယ်လောင်စွာ ကြွေးကြော်ကြ၏။

အဘယ်ကြောင့်ဆိုသော် ရာဇပလ္လင်အလည်၌ရှိသော သိုးသငယ်တော်သည် သူတို့၏သိုးထိန်းဖြစ်၍ အသက်စမ်းရည်တွင်းသို့ ပို့ဆောင်တော်မူမည်ဖြစ်သောကြောင့်ပင်။ ဘုရားရှင်သည် သူတို့၏ ရှိသမျှ မျက်ရည်တို့ကို သုတ်ပေးတော်မူလိမ့်မည်” ဟုဆို၏။

ထို့ကြောင့် သူတို့သည် ဘုရားရှင်၏ ရာဇပလ္လင်တော်ရှေ့ ကိုယ်တော်၏ဗိမာန်တော်၌ နေ့ညမပြတ်ဘုရားရှင်ကို ဝတ်ပြုကြ၏။ ရာဇပလ္လင်ပေါ်၌ ထိုင်တော်မူသောအရှင်သည်လည်း သူတို့နှင့်အတူရှိ၍ ကာကွယ်စောင့်ရှောက်တော်မူလိမ့်မည်။ သူတို့သည် နောက်တစ်ဖန်ဆာလောင်လိမ့်မည်မဟုတ်။ ရေငတ်တော့မည်မဟုတ်။ နေရောင်ခြည်နှင့်ပြင်းထန်သော အပူဒဏ်ကြောင့်လည်း ထိခိုက်မှုရှိတော့မည်မဟုတ်။

“ဘုရားရှင်၏ အစေခံတို့ကို နဖူး၌တံဆိပ်မခတ်မီအထိ မြေကြီး၊ ပင်လယ်နှင့် သစ်ပင်တို့ကို မဖျက်စီးပါနှင့်” ဟူ၍ဖြစ်၏။ ထို့နောက် တံဆိပ်ခတ်ခံရသော သူတို့၏အရေအတွက်ကို ကျွန်ုပ်ကြားသိရ၏။ အစ္စရေးမျိုးနွယ်စုအသီးသီးတို့ထဲမှ တစ်သိန်းလေးသောင်းလေးထောင်တို့သည် တံဆိပ်ခတ်နှိပ်ခံထားရ၏။