Popular Bible Verses from Revelation 6

Share

ထိုအခါ ကျွန်ုပ်ကြည့်လိုက်ရာ အရောင်မွဲသောမြင်းတစ်ကောင်ကို မြင်ရ၏။ ထိုမြင်းကိုစီးသောသူ၏ အမည်မှာ သေမင်းဖြစ်၏။ သူ၏နောက်တွင် မရဏနိုင်ငံလိုက်လာ၏။ ကမ္ဘာ့လူဦးရေ၏ လေးပုံတစ်ပုံကို ဓားဘေး၊ အစာငတ်ဘေ၊ ရောဂါဘေး၊ ကမ္ဘာလောကရှိ သာရဲ တိရိစ္ဆာန်များ၏ဘေးတို့ဖြင့် သတ်ဖြတ်ရန် သူတို့အား အခွင့်အာဏာ ပေးထားတော်မူ၏။

ထိုအခါ ကျွန်ုပ်ကြည့်လိုက်ရာ မြင်းဖြူတစ်ကောင်ကိုမြင်ရ၏။ ထိုမြင်းကို စီးသောသူသည် လေးတစ်လက်ကို ကိုင်ထား၏။ သူအား သရဖူတစ်ခုကို ပေးထားတော်မူ၏။ သူသည် အောင်မြင်မှုရရှိပြီး ဆက်လက်အောင်မြင်ရန် ထွက်ခွာသွား၏။

သိုးသူငယ်တော်သည် ပဉ္စမတံဆိပ်အား ဖွင့်သောအခါ ဘုရားရှင်၏နှုတ်ကပတ်တော်နှင့် သူတို့၏ယုံကြည်မှုများ အကြောင်း ပြောကြားသောကြောင့်အသတ်ခံခဲ့ရသောလူတိုင်း၏ ဝိညာဉ်များအား ပလ္လင်အောက်၌ ငါတွေ့ခဲ့၏။

ထိုသူတို့က “မြင့်မြတ်၍ ဖြောင့်မှန်တော်မူသော ဘုရားရှင်… ကမ္ဘာလောက၌ နေထိုင်ကြသော ကျွန်ုပ်တို့ကို သတ်သောသူတို့အား စီရင်တော်မမူ၊ လက်တုံ့ပြန်တော်မမူ မည်မျှကြာကြာ နေတော်မူမည်နည်း” ဟုကျယ်လောင်စွာ အော်ဟစ်ကြ၏။ ထို့နောက် သူတို့တစ်ဦးချင်းစီအား ဝတ်ရုံဖြူများကို ပေးတော်မူ၏။ ထိုသူတို့နည်းတူ အသတ်ခံရမည့် သူတို့၏ အစေခံချင်းများနှင့် သူတို့ညီအစ်ကိုများ၏ အရေအတွက် ပြည့်စံသည့်တိုင်အောင် နောက်ထပ်ခဏ အနားယူကြရန် သူတို့အား မိန့်တော်မူ၏။

ထိုအခါ မြင်နီတစ်ကောင်ထွက်လာ၏။ လူအချင်းချင်း သတ်ဖြတ်ကြရန် အတွက် ထိုမြင်းကို စီးသောသူအား ကမ္ဘာလောကမှ ငြိမ်းချမ်းမှုကို ဖယ်ရှားနိုင်သည့် တန်ခိုးကို ပေးအပ်ထားတော်မူ၏။

အဘယ်ကြောင့်ဆိုသော် ထိုအရှင်တို့၏ အမျက်တော် ထွက်သော နေ့ရက်ကြီးရောက်လာသောကြောင့်ဖြစ်၏။ ထိုအမျက်တော်ကို မည်သူခံနိုင်မည်နည်း” ဟု ပြောဆိုကြ၏။

သိုးသူငယ်တော်သည် ဆဌမတံဆိပ်အား ဖွင့်သောအခါ ပြင်းထန်သောငလျင်တစ်ခုအား ငါတွေ့၏။ နေသည် ဆိတ်မွေးဖြင့် ရက်သောအထည်ကြမ်းကဲ့သို့ မည်းလာပြီး လသည်လည်း သွေးနီရောင်အသွင်သို့ ပြောင်းသွား၏။ လေပြင်းကြောင့် အချိန်မတန်ပဲကြွေကျလာသော သဖန်းပင်မှ သဖန်းသီးစိမ်းများကဲ့သို့ ကောင်းကင်မှကြယ်များသည် မြေပေါ်သို့ ကြွေကြလာ၏။

သိုးသငယ်တော်သည် တတိယတံဆိပ်ကိုဖွင့်သောအခါ တတိယ သတ္တဝါက “လာလော့” ဟုဆိုသည်ကို ကျွန်ုပ်ကြားရ၏။ ထို့နောက် ကျွန်ုပ်ကြည့်လိုက်ရာ မြင်းနက်တစ်ကောင်ကို မြင်ရ၏။ ထိုမြင်းကိုစီးသောသူသည် လက်ထဲတွင် ချိန်ခွင်တစ်ခုကို ကိုင်ထား၏။ ထိုအခါ သတ္တဝါလေးပါးတို့ အလယ်မှထွက်လာသည်ဟု ထင်ရသောအသံကို ကျွန်ုပ်ကြားရ၏။ ထိုအသံမှာ “တစ်ခွက်လျှင် ငွေဒင်္ဂါးတစ်ပြားပေးရ၏။ မုယောဆန်သုံးခွက်လျှင် ငွေဒင်္ဂါးတစ်ပြားပေးရ၏။ ဆီနှင့် စပျစ်ဝိုင်ကို မပျက်စေနှင့်” ဟူ၍ဖြစ်၏။

ထို့နောက် မိုးကောင်းကင်သည် စာလိပ်ကို လိပ်သကဲ့သို့ ပျောက်ကွယ်သွား၍ ရှိသမျှတောင်နှင့် ကျွန်းတို့သည် မိမိတို့နေရာမှ ရွေ့သွားကြ၏။ ကမ္ဘာမြေပြင်မှ ရှင်ဘုရင်များ၊ မှူမတ်ကြီးများ၊ စစ်တပ်အရာရှိများ၊ ချမ်းသာသောသူများ၊ တန်ခိုးဩဇာကြီးသူများ၊ ကျွန်နှင့် လွတ်လပ်သူများအားလုံးတို့သည် လိုဏ်ဂူများနှင့် တောင်များပေါ်ရှိ ကျောက်ဆောင်များကြားတွင် ပုန်းအောင်းနေကြ၏။