Popular Bible Verses from James 1

Share

ညီအစ်ကိုမောင်နှမတို့၊ သင်တိုသည် အခက်အခဲ ဒုက္ခအမျိုမျိုးနှင့် ကြုံတွေ့ရလျှင် ဝမ်းမြောက်ပျော်ရွှင်စရာအဖြစ် မှတ်ယူကြလော့။ အဘယ်ကြောင့်ဆိုသော် သင်တို့၏ယုံကြည်ခြင်းကို စမ်းသပ်ခြင်းသည် သည်းခံခြင်းကိုဖြစ်ပေါ်စေကြောင်း သင်တို့သိကြသောကြောင့်ဖြစ်သည်။

သင်တို့တွင် တစ်စုံတစ်ယောက်သည် ဉာဏ်ပညာကို လိုအပ်၍ ဘုရားရှင်ထံမှတောင်းခံလျှင် အပြစ်ယူတော်မမူဘဲ ဘုရားရှင်သည် ထိုသူအား ရက်ရက်ရောရောပေးတော်မူပါလိမ့်မည်။

ချစ်သောညီအစ်ကိုမောင်နှမတို့၊ ဤအကြောင်းအရာတို့အား သိမှတ်ကြလော့။ လူတိုင်းသည် ကြားနာရာတွင် လျင်မြန်၍ ပြောဆိုမှုနှင့် အမျက်ထွက်ရာတွင် နှေးကွေးကြပါစေ။

သင်တို့သည် မည်သည့်ချို့တဲ့မှုမှမရှိဘဲ ရင့်ကျက်လျက်ပြီးပြည့်စုံနိုင်ရန်အတွက် အဆုံးတိုင်အောင် သည်းခံရမည်ဖြစ်သည်။

ထိုနှုတ်ကပတ်တော်အား ကြားနာရုံမျှသာ ကြားနာခြင်းအားဖြင့် မိမိကိုယ်ကိုမလှည့်စားကြနှင့်။ နှုတ်ကပတ်တော်အား လိုက်နာကျင့်သုံးသောသူဖြစ်ကြလော့။

ဒုက္ခဆင်းရဲတို့ဖြင့် စမ်းသပ်ခြင်းကို အဆုံးတိုင်အောင် ကြံ့ကြံ့ခံသောသူသည် မင်္ဂလာရှိသည်။ အဘယ်ကြောင့်ဆိုသော် သူသည် ထိုစမ်းသပ်ခြင်းကို အောင်မြင်သောအခါ ဘုရားရှင်ကိုချစ်သောသူတို့အား ကိုယ်တော်ကတိတော်ထားခဲ့သော အသက်တည်းဟူသောဆုကို ရရှိမည်ဖြစ်သောကြောင့်ပင်ဖြစ်သည်။

ကောင်းမြတ်သောဆုကျေးဇူးနှင့် ပြီးပြည့်စုံသောလက်ဆောင်များသည် ရွှေမြို့တော်အလင်းများကို ဖန်ဆင်းတော်မူသော အဖဘုရားထံမှ ဆင်းသက်လာခြင်းဖြစ်သည်။ အဖဘုရားထံတော်၌ ပြောင်းလဲခြင်း၊ သို့မဟုတ် ရွှေ့လျားတတ်သော အရိပ်ဟူ၍မရှိ။

နှုတ်ကပတ်တော်အား ကြားနာရုံမျှသာကြားနာ၍ မလိုက်နာသောသူသည် မိမိမျက်နှာကို မှန်တွင်ကြည့်သူနှင့်တူသည်။ ထိုလူသည် မှန်ရှေ့မှထွက်ခွာသွားလျှင် သူ၏ပုံရိပ်အား ချက်ချင်းမေ့ပျောက်သွားသကဲ့သို့ နှုတ်ကပတ်တော်များကို မေ့လျော့သွားပါလိမ့်မည်။

ကျွန်ုပ်တို့၏အဖဘုရားရှင်ရှေ့တော်၌ စင်ကြယ်၍ ညစ်ညူးခြင်းမရှိသော ဘာသာတရားကိုင်းရှိုင်းခြင်းမူကား ဆင်းရဲဒုက္ခရောက်သော မိဘမဲ့ကလေးတို့လည်းကောင်း၊ မုဆိုးမတို့ကိုလည်းကောင်း ကြည့်ရှုစောင့်ရှောက်ခြင်းနှင့် ဤလောက၏ညစ်ညူးခြင်းတို့နှင့်ကင်းစင်စေရန် မိမိကိုယ်ကိုစောင့်ထိန်းခြင်းပင်ဖြစ်သည်။

ဖြားယောင်းသွေးဆောင်ခြင်းကိုခံရသည့်အခါ “ဘုရားရှင်က ကျွန်ုပ်အား သွေးဆောင်သည်” ဟု မဆိုစေနှင့်။ အဘယ်ကြောင့်ဆိုသော် မကောင်းမှုသည် ဘုရားရှင်ကို မသွေးဆောင်နိုင်။ ဘုရားရှင်သည်လည်း မည်သူ့ကိုမျှ မကောင်းမှုပြုရန် သွေးဆောင်ခြင်းမပြုလုပ်ပေ။ ဖြားယောင်းသွေးဆောင်ခြင်းဆိုသည်မှာ လူသည် မိမိ၏မကောင်းသောတပ်မက်မှု၏ ဆွဲဆောင်ရာနောက်သို့ လိုက်ပါသွားခြင်းပင်ဖြစ်သည်။

နိမ့်ကျသောအခြေအနေရှိသော ယုံကြည်သူတို့သည် သင်တို့ချီးမြှောက်ခြင်းခံရသည့်အခါ ဂုဏ်ယူဝမ်းမြောက်ကြပါစေ။