Popular Bible Verses from 1 Timothy 6

Share

ယုံကြည်ခြင်းဆိုင်ရာ တိုက်ပွဲကောင်းကို တိုက်လော့။ နိစ္စထာဝရအသက်ကို အရယူလော့။ ထိုအသက်အတွက် ဘုရားရှင်သည် သင့်အားခေါ်တော်မူသည်ဖြစ်၍ သင်သည် များစွာသော သက်သေတို့ရှေ့တွင် ထိုကောင်းမွန်သောသက်သေခံချက်ကို ပေးလေပြီ။

အကြောင်းမူကား ငွေကို တပ်မက်ခြင်းသည် မကောင်းမှုအမျိုးမျိုး၏ အရင်းအမြစ်ဖြစ်၏။ လူတချို့သည် ငွေကို တပ်မက်သောကြောင့် ယုံကြည်ခြင်းနှင့်လမ်းလွဲကာ အလွန်ဝမ်းနည်းပူဆွေးခြင်းတို့ဖြင့် မိမိကိုယ်ကို ထိုးဖောက်နာကျင်စေ၏။

သို့သော် ရောင့်ရဲသောစိတ်ဖြင့် ဘုရားတရားကိုင်းရှိုင်းခြင်းသည် ကြီးမားသောအကျိုးစီးပွားပင် ဖြစ်၏။

အကြောင်းမူကား ကျွန်ုပ်တို့သည် ဤကမ္ဘာလောကသို့ လက်ဗလာဖြင့် ရောက်လာပြီး လက်ဗလာဖြင့်ပင် ပြန်လည်ထွက်ခွာ သွားရမည်ဖြစ်သောကြောင့်ဖြစ်၏။

ဤကမ္ဘာလောက၌ ချမ်းသာကြွယ်ဝသူတို့ကို မာနမကြီးစေရန်နှင့် မမြဲသည့်စည်းစိမ်ချမ်းသာတို့အပေါ် မျှော်လင့်ချက်မထားရှိရန် မိန့်ကြားလော့။ သို့သော် ကျွန်ုပ်တို့ကို ဝမ်းမြောက်ပျော်ရွှင်စေရန်အတွက် အရာအားလုံးကို ရက်ရောစွာ ပေးသနားတော်မူသည့် ဘုရားရှင်အပေါ်၌သာ မျှော်လင့်ချက်ထားရှိရန် မိန့်ကြားလော့။

ချမ်းသာလိုသောသူတို့သည် ဖြားယောင်းသွေးဆောင်ခံရခြင်း၊ ထောင်ချောက်မိခြင်း၊ မိုက်မဲ၍ အန္တရာယ်ရှိသော တပ်မက်ခြင်းစသည်တို့ထဲသို့ ကျရောက်တတ်၏။ ထိုအရာများသည် လူတို့ကို အကြွင်းမဲ့ ပျက်စီးဆုံးရှုံးစေ၏။

ထိုသူတို့ကို ကောင်းသောအရာများပြုရန်၊ ကောင်းသောအကျင့်များဖြင့်ကြွယ်ဝရန်၊ ရက်ရောစွာ ပေးကမ်းစွန့်ကြဲရန်နှင့် မျှဝေလိုစိတ်ရှိရန် မိန့်ကြားလော့။ ဤသို့ဖြင့် သူတို့သည် နောင်ကာလအတွက် ခိုင်မာသောအခြေခံအုတ်မြစ်တည်းဟူသော ဘဏ္ဍာတိုက်တွင် မိမိတို့အတွက် စုဆောင်းလျက် စစ်မှန်သောအသက်ရှင်နေထိုင်ကို ရရှိကြလိမ့်မည်။