Popular Bible Verses from 1 Thessalonians 5

Share

အစဉ်အမြဲဝမ်းမြောက်ပျော်ရွှင်ကြလော့။ အမြဲမပြတ်ဆုတောင်းကြလော့။ မည်သည့်အခြေအနေ၌ပင် ဖြစ်စေ ကျေးဇူးတော်ကိုချီးမွမ်းကြလော့။ အကြောင်းမူကား သင်တို့သည် ယေရှုခရစ်တော်အားဖြင့် ထိုသို့ပြုကြရန် ဘုရားရှင်အလိုရှိသောကြောင့်ဖြစ်သည်။

ငြိမ်းချမ်းခြင်း၏အရှင်ဖြစ်သော ဘုရားရှင်ကိုယ်တိုင်သည် သင်တို့ကို အကြွင်းမဲ့သန့်ရှင်းစေတော်မူလိမ့်မည်။ ကျွန်ုပ်တို့၏အရှင် ယေရှုခရစ်တော် ပြန်လည်ကြွလာသည့်အချိန်ထိ သင်တို့၏ ကိုယ်စိတ်နှလုံးအား အပြစ်ဆိုဖွယ်မရှိစေရန် စောင့်ရှောက်ပါစေသော။ သင်တို့ကို ခေါ်တော်မူသောအရှင်သည် သစ္စာရှိတော်မူသဖြင့် ထိုအတိုင်း ပြုတော်မူလိမ့်မည်။

အဘယ်သူမျှ ရန်ကိုရန်ချင်း မတုံ့ပြန်ကြနှင့်။ ထို့အစား အချင်းချင်းအတွက်သော်လည်းကောင်း၊ လူအပေါင်းတို့အတွက်သော်လည်းကောင်း အကျိုးရှိသောအရာများကို အမြဲကြိုးစားလုပ်ဆောင်ကြလော့။

ထို့ကြောင့် ယခု သင်တို့လုပ်ဆောင်နေသည့်အတိုင်း အချင်းချင်းအားပေးလျက် တစ်ယောက်နှင့်တစ်ယောက် ကူညီတည်ဆောက်ပေးကြလော့။

ထို့ပြင် ညီအစ်ကိုမောင်နှမတို့၊ ပျင်းရိသူများကို သတိပေးဆုံးမကြလော့။ ကြောက်ရွံ့နေသူများကို အားပေးကြလော့။ အားနည်းသူများကို ကူညီကြလော့။ လူတိုင်းအပေါ်တွင် စိတ်ရှည်ကြလော့။

အကြောင်းမူကား ဘုရားရှင်သည် ကျွန်ုပ်တို့ကို အမျက်တော်ခံရစေရန် သတ်မှတ်ထားတော်မူသည်မဟုတ်ဘဲ ကျွန်ုပ်တို့၏အရှင် ယေရှုခရစ်တော်အားဖြင့် ကယ်တင်ခံရစေရန် သတ်မှတ်ထားတော်မူခြင်းဖြစ်၏။

သင်တို့သည် အလင်း၏သားသမီးများ၊ နေ့အချိန်၏သားသမီးများဖြစ်ကြသည်။ ကျွန်ုပ်တို့သည် ညအချိန်နှင့်သော်လည်းကောင်း အမှောင်နှင့်သော်လည်းကောင်း သက်ဆိုင်မှုမရှိပေ။