Popular Bible Verses from Aba Galatiya 6

Share

Po mutakalitaye pakubomba ivyiza, pakuti pakabalilo kache akiza tukwiza pakwinula nanti tutakuwa amaka.

Polelo bo tuli nu lusako, zagha tubabombelaye ivintu ivyiza abantu bosi, nkaninkani abantu babo bali mukabukatila aka bitiki.

Munyamulilanaye ukatundu, sona pakubomba bunubu mukwiza pakukwanilisya indaghilo izya Kilisitu.

Mutakizimbulaye mwebene! U Chala atangangaziwa. Umuntu akwiza pakwinula chicho akupesa.

Pakuti umuntu yuyo akupesa ivinyonywa ivya buntu, chicho akwiza pakwinula bo bufwe. Loli umuntu yuyo akupesa mwa Muzimu Umuzelu, chicho akwiza pakwinula bo bumi ubwa bwila na bwila.

Mwee bakamu bane, nanti umuntu yumo awila mumbibi, amwe mwe mukulongoziwa nu Muzimu Umuzelu, mumwavwe umuntu yunuyu nu moyo umololo. Loli namwe bulo muchebaye ukuti mutakayeliwanje.

Pakuti nanti umuntu yumo akwipima mwene ukuti we muntu naloli, po muntu bulo, akwizimbula bulo mwene. Umuntu wesi ipime mwene ni mbombo zyache. Po angituvya mwene ni mbombo zyache, ukusita ukwifwanikizya mwene nu muntu yumo. Pakuti umuntu wesi anyamulaye ukatundu uwache nu wache.