Popular Bible Verses from Aba Galatiya 5

Share

Loli ivikomwa ivya Muzimu Umuzelu vyo ivi: Ulughano nu buhobosu nu mutende nu bufisalyoyo, ni chisa nu bwiza nu busubiliwa, nukwiyisya sona nukwilema. Lutalipo ululaghilo nalumolumo, lulo lungasusannya ni vintu vinivi.

Loli chicho nkunena chakuti: Mumwitikizye u Muzimu Umuzelu ukuti abalongozye, po mutakwiza pakubomba ivinyonywa ivya buntu bwitu ubwa mbibi.

Aswe twapokela ubumi mwa Muzimu Umuzelu, polelo zagha tukonke inyayo izya Muzimu Umuzelu.

Sona babo ba Kilisitu u Yesu bakomela ubuntu bwabo ubwa mbibi pachipinjika poka ni vyakulonda, sona ni vinyonywa vyache.

Izyene imbombo izya buntu bwitu zili pabuzelu bulo: Ubwamalaya ni vinyonywa nu bupopo, nukwiputa ivifwani nu bulozi nu lubengo, nukulwa, na kabini nu bukali nukwiyighana nukudalinkana nukwipaghula, ni nkwini nu bwaching'wela nu bupafu, sona ni vintu ivinji. Nkubasoka sona ukuyana namumo nkabasokela pakwanda ukuti abantu babo bakwikala bunubu batakwiza pakupyana Ubumwene ubwa Chala.

Mwee bakamu bane, mukitiziwa ukuti mubanje bantu babuke. Mutakabubombezyanje ubusatuke bwinyu ukuti mubombaye ivinyonywa ivya mubili winyu, loli mubombelanaye mulughano.

Pakuti ivinyonywa ivya buntu bwitu vikususannya nu Muzimu Umuzelu, sona vivyo u Muzimu Umuzelu akulonda vikususannya ni vinyonywa ivya buntu bwitu. Ivintu vibili ivi vibenganite, umwakuti utakubomba chicho ukulonda pakubomba.

Pakuti Indaghilo zyosi zyimite pilamulo lyoka ili, “Umughane umupalamani wako ukuyana namumo wiyighaniye wemwenecho.”

Tutakitutumulaye, pamo ukukalalizannya, pamo ukubikilana inkwini.

U Kilisitu akatusatula ukuti tubanje babuke. Mwimaye nkani, po mutakanyamule sona ikoli ilya buzya.