Popular Bible Verses from Rɔmënyüü 5

Share

‑Maa ‑jäsɩ Nyɔsʋa srara amɩ 'sɩrɩ 'ɔ ‑waa' amɩ: 'taɩn 'lɩ a ‑ka bäa' ‑balʋnyüü nɩ, 'a 'ia 'taɩn 'lɩ 'Kriisë jä ana ‑gʋ.

‑Bɛ plɛgälɩpiepiekʋ 'nyɩ ‑trɔɔrɔ nyɔɔ ‑a, 'be Nyɔsʋa ‑srörö 'Nyüna ‑Susulu 'ɔ ‑nyɩa' amɩ kälɩ 'ɔnya 'fɛrɛ ana polu ‑gälɩ 'ɔa ‑wawakʋ 'kä.

'Pɩrɩgälɩ nɩ, ‑sʋɩ ma blö amɩ ‑gba nɩ, dɔrʋ 'blaa amɩ, 'be a jre 'iin 'sɩrɩ ‑sʋɩ jaa' plɛböblökʋ; 'kä plɛböblökʋ ‑nyɛɛ amɩ 'klü amä ‑sʋɩ 'wʋsi; 'kä ‑sʋɩa 'wʋsisikʋ ja plɛgälɩpiepiekʋ.

'I 'na, ‑bɛ Nyɔsʋa 'daaa' ‑maa a bä 'klɩgänyüü ana nyɔsʋaplɛtorokʋa ‑gʋ nɩ, 'i känyrɩ 'wlinönrökʋ bä a nyra Nyɔsʋa kɔsɔa ‑tɔrʋpɩɔ ana 'Pläkänyɔɔ Jesu 'Kriisëa 'nyrɩklɩa ‑gʋ. 'A 'ɔa plɛtorokʋa ‑gʋ 'ɔ 'sa amɩ 'ɔa ‑gbinanakʋa 'nyʋfɔa tatu 'klɩ, ‑bɛ a kʋ 'lɩ 'mʋfasa ‑mlatɩ. Dɔrʋ 'blaa amɩ 'be anya ‑pɩ Nyɔsʋaa 'bʋalakʋ 'jäa.

'Iibä, 'taɩn 'lɩ anyɩ käa' 'klü kä, ‑bɛ 'ɔa 'taɩnlɩ jräa' 'wli nɩ, 'Kriisë nya jä ‑balʋnyüüa ‑gʋ.

‑Plɩɩ 'i ‑sia' ‑bɛ Nyɔsʋa 'daaa' a bä 'klɩgänyüü 'ɔa ‑torua ‑gʋ nɩ, ‑asɩ 'Kriisë ‑nëmä bɩa amɩ Nyɔsʋaa 'crɛ mlɩ 'ba le?

Nyɔɔ 'doo 'nyɩa' Nyɔsʋaa mlɩa wii nyɔɔwʋba nɩ, 'a 'ia ‑gʋ nyüü 'kɔkɔmlɛ nʋ ‑balʋnyüü. 'Asɩ nyɔɔ 'doo 'ba Nyɔsʋaa mlɩa wii nyɔɔwʋ nyüü 'kɔkɔmlɛ nya nʋ 'klɩgänyüü.

‑Bɛ ‑mää 'ia 'doo ‑a: dɔrʋ 'blaa amɩ Nyɔsʋa 'lɩ, 'ɔ ‑sröröa' ana 'Pläkänyɔɔ Jesu 'Kriisë kälɩ ‑bɛ ɔ nröröa' amɩ 'wli a nyra 'ɔɔn kɔsɔ.