Popular Bible Verses from Ɛfɛsënyüü 4

Share

'Ba 'nanragbi 'wʋ, abɩa 'ana plɛ 'si ‑wawlakʋ 'klɩ. 'Ba cere wii 'sɩrɩ Nyɔsʋa cerea' 'amɩ 'ana nɩ 'Kriisë 'lɩ.

'Ba 'cie 'ana nyüfë 'wʋ 'taɩn a 'fɩɔ 'lɩ, 'anyɩ kä 'crɛ, 'kä 'a kpʋkplɔmlɩ, abɩa ‑moloo bɩa ‑molooa ‑gbi mlɩ ‑wawlakʋ 'lɩ.

Bʋbɔwii 'nyɩ 'cie 'ana mlɩ, abɩa 'mʋfawiili 'naa' i jöa' nyüü ‑gba 'sɩrɩ 'üa ‑sʋɩ bäa', 'cie 'ana mlɩ, ‑bɛ i ‑nyɩ ‑mülü poa' 'iin 'nyakli 'klü.

'Ba 'ba 'ana ‑tɔrʋpɩɔ, 'mʋgbʋgbʋɛ, 'crɛ, nyanyrakʋ, ‑jejrekʋ nyra plɛbʋbɔkʋa 'kaɩn 'kaɩn.

'Ama ‑tʋ 'crɛ nɩ, 'anyɩ nʋ ‑balʋ . 'Ana 'crɛ kä 'ɛmä bɩa 'fɩɔwʋ ‑a ji ‑gbiajrʋ 'mä mi. 'Anyɩ ‑nyɩ Sataan kʋfa.

'A kä 'amä 'ana ‑kätɩsaa nʋnʋgbi nyra 'ana ‑kätɩnyɔɔlɔ käa' dɛɛnyülü ‑trɔɔrɔa' ‑wälɩ 'cɛrɛ. 'Ba 'ba 'ana ‑kätɩnyɔɔlɔ, ɔ bʋblɔa' 'ana 'klä ‑gba. 'Ba 'cɛrɛ 'ana ‑susu nyra 'ana bobowli ‑wälɩ 'imä 'cicri. 'Ba 'sroo nyɔɔdëdrälɔ Nyɔsʋa nʋa' 'klɩgägäkʋ 'lɩ nyra 'nyünaklälä sɔa' 'cɩcasa 'lɩ.

'Ba 'pa 'kpɔɔ ‑mamakʋlʋ Nyɔsʋaa ‑Susu ‑maa' 'amɩ nɩ, 'amä 'saa bäa 'doo, 'ɔɔ ‑maaa' 'amɩ, 'kä 'ɔ ja 'ana ‑tɔrʋpɩɔ 'wlinönrökʋ.

'A 'ɔɔ ‑nyɩ ‑mölöö apotrëdɛɛ, ‑mölöö bä nyɔsʋaamlɩpalanyüü, ‑mölöö bä 'Mʋfagogoa 'sasanyüü, ‑bɛ ‑mölöö bä 'pɛrɩnyüü ‑mölöö nya bä 'kpɩkpɩanyüü. 'Asɩ 'ɔ 'pa 'nyünanyüü 'klü 'lɩ, 'ümä nyɔsʋaanyüülü bäa' 'Kriisëa fugba 'klülɩpa 'ümä 'wʋsɔɔrɔ. 'Ima bäsaa nɩ, ana 'fɩɔa nyɔsʋaplɛ nyra Nyɔsʋaa 'Jʋa jejrekʋ nya dɛɛ 'dee bäa. Anya ‑jrɛa, 'kä anya 'tasɩrɩ 'Kriisëa 'bʋabʋakʋa ‑pɩɔ 'tɔ.

'Ia 'taɩn 'lɩ, a ‑ka ‑nëmä 'jü ‑a bä. A ‑ka ‑nëmä ‑beere 'sɩrɩ 'taniea 'nɩdakë faa' ‑gɔlʋ ‑a. ‑Gbagblɛnyüülüa 'kpɩkpɩakʋ ‑ka ‑nëmä amɩ 'lɩklɩ ‑a ‑piie. 'Ü ‑ka ‑nëmä amɩ ‑gbagblɛ ‑a 'sara 'ümä amɩ ‑trɔɔrɔ. ‑Maa 'cɩcasa ma 'saralɩ ‑wawlakʋ 'lɩ nɩ, anya diia 'fɩɔa 'mlɩ 'bʋalaa 'Kriisë 'lɩ, ɔ bäa' 'wliklɩ.