Popular Bible Verses from 2 Korɛɛntënyüü 5

Share

Nyɔɔ nyra 'Kriisë ma bä 'doo nɩ, nyɔɔdëdrä nyɔɔlɔ bä; 'klɩbɩaa ni 'a ‑si, 'köklesa ‑plɩɩ diia 'fɩɔ bä dëdrä.

Nyɔɔlɔ ‑kaapɩɔa' ‑balʋ nʋ nɩ, Nyɔsʋa bere 'ɔɔn ana ‑balʋ 'wli, 'kä amɔlɔ nyra 'Kriisë bäa' 'doo nɩ, amä 'klɩgä Nyɔsʋaa 'klɩ.

Nyɔsʋaplɛ a nö ‑bɛ a 'nyɛɛ, ‑maa ‑mää ana 'nyüa 'sa anyɩ 'nyɛ.

'Ia 'fɩɔlʋ nɩ, Nyɔsʋa kälɩ 'i sɔ, Nyɔsʋalɔ ‑sröröa' Jesu 'Kriisë kälɩ ‑bɛ 'ɔ 'nönröa' amɩ 'wli a nyra 'ɔɔn kɔsɔ. Amɔ Nyɔsʋa ‑nyɩ 'köklesa ‑plɩɩ 'wlinönrökʋa 'jrʋpa. ‑A 'jää 'iin le? Nyɔsʋa ‑sröröa' 'Kriisë kälɩ nɩ, 'pläa 'fɩɔ nyra 'ɔɔlɔ bäa' Nyɔsʋa 'nönröwli, 'ɔnyɩ 'ma bɩa 'üün 'üa bʋbɔgbi ‑gälɩ 'kä ‑a. 'Ɔnya blɔ amɩ a mi a 'sara 'lɩ nyüü 'wlinönröwii.

'Ii känyrɩ, 'Kriisëa bɔblɔnyüü a bä. 'I ‑beere 'sɩrɩ Nyɔsʋaa 'mʋgbɛ ‑sröröa' amɩ kälɩ amä 'amɩ wii cere: a bibie 'amɩ 'Kriisëa 'nyrɩklɩa ‑gʋ, 'ba nyra Nyɔsʋa 'nönröwli!

'Ɔ jä nyüüa 'fɩɔa ‑gʋ, 'kä nyüülü bäa' 'lɩ 'mä 'lɩbä 'ɔa ‑gʋ, 'ümä 'lɩbä 'ɔɔlɔ jäa' ‑bɛ ɔ sɔa' 'kuaabre 'üa ‑gʋ. 'A 'ia ‑gʋ, 'bala 'saarɩ ‑gälɩ, 'sɩrɩ ‑pɩ ‑tʋtʋ ‑gälɩa nyɔɔ bäa' ‑mää 'sɩ anyɩ 'jä nyɔɔ 'wʋ. ‑Bakää a 'kpla kä 'saa 'Kriisë nɩ, 'köklesa ‑plɩɩ nɩ, ‑mää 'sɩ a ‑kanyɩ 'kpla 'ɔɔn.

'Kriisëa ‑wawakʋ 'tuto amɩ, 'be anya 'a 'nu 'sɩrɩ nyɔɔ 'doo ma jäa' nyüüa 'fɩɔa ‑gʋ nɩ, 'iibä nyüüa 'fɩɔ jä.