Popular Bible Verses from 1 Korɛɛntënyüü 15

Share

'Ii känyrɩ 'na ‑wawawlajü 'amɩ, 'ba ‑sɔɔrɔwʋ, 'ba 'nyüglö nyɩbɛsa. 'Ba kpɛrɛ 'ana nyüfë 'taɩn a 'fɩɔ 'lɩ, 'amä 'Pläkänyɔɔa 'jrʋpa ‑fɛ. 'A jre 'iin 'sɩrɩ 'jrʋpalä 'a ‑fɛɛɛa' 'nyɩa' 'fëflɛsa bä.

‑Maa a 'trɛɛ Nyɔsʋa, ɔ ‑sröröa' 'ana 'Pläkänyɔɔ Jesu 'Kriisë kälɩ, ‑bɛ 'ɔ ‑nyɩa' amɩ 'wʋsisikʋ!

Nyɔɔ 'nyɩ 'pa 'amɩ mlüü 'lɩ! «‑Gbötülü 'nyɩa' 'cɩcagbi kä, bʋblɔ ‑mülü käa' 'cɩcagbi.»

‑Maa Nyɔsʋaa ‑gbinanakʋa ‑gʋ 'n bäsaa 'saarɩ, 'be 'ɔa ‑gbinanakʋlʋ ɔ sraraa' 'mɩ nɩ, ‑mää 'fëflɛsa ‑a, ‑bɛ 'n ‑fɛ 'jrʋpa 'nyaa ‑si apotrë ‑mülüa 'fɩɔwʋ. ‑Mää 'mɔɔ 'nyɩ 'jrʋpa ‑fɛ, ‑maa Nyɔsʋaa ‑gbinanakʋlʋ bäa' 'mɩ 'lɩ 'uu bäsaa.

‑Mɔ jäjä, ‑a 'plɛɛ ‑na tafudɛɛ bä le ? ‑Mɔ jäjäa bätä ‑a 'plɛɛ ‑na 'klü bä le? Jäjäa tafudɛɛ bä ‑balʋ; ‑bɛ ‑balʋa 'klü ‑bä ‑dɔ.

‑Jää wii ‑sisiea' 'mäa' 'amɩ ‑gbala: ana 'fɩɔ ‑nëmä jä ‑a jä. ‑Maa ana 'fɩɔ nya 'cicria, 'sɩrɩ nyɔɔ 'kaplaa' 'nyiö 'asɩ 'imä 'kökle, 'taɩn 'lɩ 'täpa dɛglɛ 'mäa' wii 'pa. 'Be ɛma 'pawii dotro, jäjänyüü nya 'wʋsɔa 'ümä 'klälä 'nyɩa' blöröfa kä 'jä, ‑bɛ amɔlɔ nɩ, anya 'cicria.

'Be 'sɩrɩ jäjäkʋ nʋa' ‑bɛ 'u ‑sröröa' nyɔɔ 'doo kälɩ ‑bɛ 'u paa' 'blɩa 'mlɩ nɩ, 'asɩ 'kuaabresɔsɔkʋ ‑srörö bɩa nyɔɔ 'doo kälɩ. 'Sɩrɩ nyüülü kä 'fɩɔ bäa' Adaan 'lɩ ü jäa' nɩ, 'asɩ nyüülü kä 'fɩɔ bäa' 'Kriisë 'lɩ 'mä bɩa 'kuaabre sɔ.

'Be 'jajɛlɛ nëmäa' ‑fɛ 'ɛ kä 'ɛmä 'cicri, ‑bɛ 'ɛmä 'jajɛlɛ 'nyɩ ‑fɛa' bä. ‑Mɛlɛ jäa' kä 'ɛmä 'cicri, ‑bɛ 'ɛmä dɛɛlɛ 'nyɩ jäa' bä.

'Be 'ɔ kä 'ɔmä 'kama 'kama, ‑a ji 'ɔmä 'ɔa 'nyüamlɩjraranyüü 'ɔa bökli ‑wälɩ pla. 'Nyüamlɩjraraa nɔlɔ nëmäa' dɛrɩtäpa, ɔ Nyɔsʋa 'mäa' bʋblɔ, 'ɔɔ bä jäjä.