1 Korɛɛntënyüü 15
15
NYÜÜA 'KUAABREA SƆSƆKƲ
15.1-58
'Kriisëa 'kuaabrea sɔsɔkʋ
1 'Na ‑wlajü 'amɩ, 'Mʋfagogolä 'n 'saa' 'amɩ, ‑bɛ 'a 'nyierea' 'klɩ nɩ, ä 'a ‑trääräa' 'lɩa 'doo nɩ, 'äa ‑gä 'n 'paa 'amɩ plɛ. 2'Ää kälɩ Nyɔsʋa ‑srörö 'ɔnya 'pʋɔ 'amɩ, 'ama 'kpla 'ään 'sɩrɩ 'n ‑gbala käa' 'amɩ, ima 'nyɩ 'saa ‑a bä nɩ, 'fëflɛsa 'a toro 'ään plɛ. 3Wiili bäa' 'ia 'mlɩa wii, i 'n 'jäa' ‑bɛ 'n 'kpɩaa' 'amɩ nɩ, 'iibä: 'Kriisë jä ana ‑balʋa ‑gʋ, 'sɩrɩ 'i ‑jɩjraa' nyɔsʋapɔɔkʋ 'lɩ. 4'Ɔnya ‑träärä, tääa nɩ ‑srɩ 'lɩ 'ɔnya sɔwʋ, 'sɩrɩ 'i ‑jɩjraa' nyɔsʋapɔɔkʋ 'lɩ. 5'Ɔnya 'tɔrɔ Sefasë#15.5 Piɛɛrëa 'nyrɩ ‑mɩdoo bäsaa. nyra Nyüüpʋnyüüsɔɔ 'klɩ. 6'I ‑sia' nɩ, 'ɔnya 'tɔrɔ ‑wlajüa ‑duu ‑glʋɩgbööa (500) 'samadɛɛ 'klɩ 'wʋkleresa. 'Ia nyüü 'kɔkɔmlɛ ‑ka bälɩ 'saarɩ, ‑maa ‑mölöö ‑kanyɩ 'lɩ ‑a bä. 7'Pɩrɩgälɩ nɩ, 'ɔnya 'tɔrɔ Jaakë 'klɩ, 'ɔnya 'tɔrɔ apotrëa 'fɩɔ 'klɩ.
8'Mɔɔ 'padɛrɩtä, 'mɔɔ 'ɔ 'tɔrɔklɩ, 'mɔɔ ‑beerea' 'jüplö kä ‑söplü ‑kaaŋlʋa' 'wlijrä ‑bɛ 'ü ‑gua'. 9'Be 'mɔɔ bä apotrëɩɩa blaaadɩɔ, 'nyɩ apotrë 'nyrɩ 'klɩ ‑a 'wʋ, 'be 'n kätɛ 'nyaa nʋ Nyɔsʋaa 'Cɛcɩ ‑gbigba. 10‑Maa Nyɔsʋaa ‑gbinanakʋa ‑gʋ 'n bäsaa 'saarɩ, 'be 'ɔa ‑gbinanakʋlʋ ɔ sraraa' 'mɩ nɩ, ‑mää 'fëflɛsa ‑a, ‑bɛ 'n ‑fɛ 'jrʋpa 'nyaa ‑si apotrë ‑mülüa 'fɩɔwʋ. ‑Mää 'mɔɔ 'nyɩ 'jrʋpa ‑fɛ, ‑maa Nyɔsʋaa ‑gbinanakʋlʋ bäa' 'mɩ 'lɩ 'uu bäsaa. 11'Ii känyrɩ, ‑bakää 'i bä 'mɔɔ 'aiɛ ‑mülü, 'a 'Mʋfagogolä a 'sa, 'anya toro 'ään plɛ.
'Kuaabrea sɔsɔkʋ
12‑Bɛ a ‑gbalaa' 'amɩ ‑ma 'Kriisë sɔ 'kuaabre nɩ, dɛplɛɛ kä ‑gʋ 'ana ‑tɔrʋpɩɔa ‑mölöö nö jäjänyɔɔ 'nyɩ sɔwʋ ‑ale? 13Nyüü ma 'nyɩ sɔ 'kasa 'kuaabre ‑a nɩ, 'iibä 'Kriisë 'nyɩ bɩa 'wʋ ‑a sɔ 'la! 14‑Bɛ 'Kriisë ma 'nyɩ 'kuaabre ‑a sɔ nɩ, 'iibä ‑gogolä a 'saa' 'nyɩ ‑gbaa ‑a kä, ana nyɔsʋaplɛ bä 'fëflɛa nɛ. 15Ima bä 'kasa jäjänyüü 'nyɩ sɔwʋ ‑a nɩ, 'iibä Nyɔsʋa 'nyɩ 'Kriisë 'kuaabre ‑a 'ba. Ima bäsaa nɩ, ‑gbagblɛsa a 'paa Nyɔsʋaa ‑gä, ‑gbagblɛ a ‑tʋ Nyɔsʋa ‑gälɩ, 'be a nɩnɩa 'ɔ 'ba 'Kriisë 'kuaabre. 16Jäjänyüü ma 'nyɩ sɔ 'kuaabre ‑a nɩ, 'Kriisëa 'mʋgbɛ 'nyɩ 'kuaabre ‑a sɔ. 17‑Bɛ 'Kriisë ma 'nyɩ 'kuaabre ‑a sɔ nɩ, 'ana nyɔsʋaplɛ bä 'fëflɛa nɛ, ‑bɛ 'a ‑ka bä 'plɔʋplɔʋ 'ana ‑balʋ 'lɩ. 18‑Bɛ ‑mülü toroa' 'Kriisë plɛ, ‑bɛ 'ü jäa' nɩ, 'ia nyüülü bä tɩɔtɩɔnyüü, Nyɔsʋa 'pɔnɩkʋ bä 'üün ‑gälɩ. 19Ama 'pie 'Kriisë plɛ ‑gälɩ ‑taa 'klälä kʋa' ‑pɩa 'dooa ‑gʋ nɩ, amɔ busu ‑gböösa anya ‑si nyüüa 'fɩɔwʋ!
20'Tasɩrɩ 'Kriisë sɔ 'kuaabre. 'Ɔɔ ‑kätɩ sɔwʋ jäjänyüüa 'fɩɔa ‑tɔrʋpɩɔ. 21'Be 'sɩrɩ jäjäkʋ nʋa' ‑bɛ 'u ‑sröröa' nyɔɔ 'doo kälɩ ‑bɛ 'u paa' 'blɩa 'mlɩ nɩ, 'asɩ 'kuaabresɔsɔkʋ ‑srörö bɩa nyɔɔ 'doo kälɩ. 22'Sɩrɩ nyüülü kä 'fɩɔ bäa' Adaan 'lɩ ü jäa' nɩ, 'asɩ nyüülü kä 'fɩɔ bäa' 'Kriisë 'lɩ 'mä bɩa 'kuaabre sɔ. 23‑Maa ‑moloo ‑bɛ 'ɔa 'taɩn, 'Kriisë ‑kätɩ sɔwʋ, ‑bɛ 'taɩn 'lɩ 'ɔmäa' dɛrɩ 'blöö nɩ, 'kä nyüülü bäa' 'ɔa nü nya 'wʋsɔ. 24'Ima ‑si, 'kä 'pläa bɩabɩataɩn nya 'lɩjrä: 'Kriisë nya 'kamakʋa 'fɩɔ, nyüü nyra ‑sisia 'klüa 'fɩɔ bʋblɔa, 'kä 'ɔnya 'kamakʋ Nyɔsʋalɔ bäa' Tʋ ‑nyɩ. 25'Be 'ɔ kä 'ɔmä 'kama 'kama, ‑a ji 'ɔmä 'ɔa 'nyüamlɩjraranyüü 'ɔa bökli ‑wälɩ pla#15.25 'Lɩbrɛrɛpɔɔkʋ 110.1.. 26'Nyüamlɩjraraa nɔlɔ nëmäa' dɛrɩtäpa, ɔ Nyɔsʋa 'mäa' bʋblɔ, 'ɔɔ bä jäjä.
27'Be 'i ‑jɩjra nyɔsʋapɔɔkʋ 'lɩ ‑maa: «Nyɔsʋa pla diia 'fɩɔ 'ɔa bökli ‑wälɩ#15.27 'Lɩbrɛrɛpɔɔkʋ 8.7..» ‑Maa 'ɔma 'daa «diia 'fɩɔ» nɩ, 'ɔɔlɔ ‑nyɩa' 'ɔɔn 'kamakʋ, 'ɔnyɩ 'lɩ 'mlɩ ‑a bä. 28'Taɩn 'lɩ Nyɔsʋa 'mäa' 'Kriisë diia 'fɩɔa 'kamakʋ ‑nyɩ nɩ, 'ɔa 'mʋgbɛ bäa' 'Jʋlɔ nya 'uun Nyɔsʋalɔ ‑nyɩa' 'ɔmɩ 'uun ‑nyɩa; 'kä Nyɔsʋa 'mä diia 'fɩɔa 'wliklɩ bä, 'ɔmä wiia 'fɩɔa 'mlɩ bä.
29Ima 'daa wiili a 'saalɩ ‑mää 'iia nɩ, dɛplɛɛ kä ‑gʋ nyüü ‑ka 'paa 'nɩwli jäjänyüüa ‑gʋ le? Ima 'daa 'kasa jäjänyüü 'nyɩ sɔ 'kuaabre ‑a nɩ, dɛplɛɛ kä ‑gʋ 'ü 'paa 'nɩwli 'üa ‑gʋ le? 30‑Bɛ amɔlɔ nɩ, dɛplɛɛ kä ‑gʋ jäjä bä amɩ dɛrɩ 'taɩn a 'fɩɔ 'lɩ le? 31'Na ‑wlajü 'amɩ#15.31 'Na ‑wlajü 'amɩ: ‑Taa waklöölä 'nyɩ grɛɛkë ‑kätɩpɔɔkɩ ‑mɩdooa 'mlɩ ‑a bä., ‑srɩ o ‑srɩ jä 'n jä! 'Tasɩrɩa 'cɩcasa bäsaa, 'be 'amɔ bä 'na#15.31 'na: Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: ana. dɔrʋ ana 'Pläkänyɔɔ 'Kriisë Jesu 'lɩ. 32Ima 'daa 'sɩrɩ nyüü boboa', 'asɩ ama bobo ɩ nɩ, dɛplɛɛ kä ‑gʋ 'nyraa Ɛfɛsënyüü 'mä 'wlitotro ‑gböösa ‑beere 'klʋɛɛa mlaa le? Dɛplɛɛ 'imä 'mɩ ‑nyɩ le? 'Be jäjänyüü 'nyɩ sɔwʋ ‑a ‑o, 'nyaa ɩ 'daa: «A jidɛɛ, a 'mla, 'be anya ‑pɩ jäa#15.32 Esaii 22.13..»
33Nyɔɔ 'nyɩ 'pa 'amɩ mlüü 'lɩ! «‑Gbötülü 'nyɩa' 'cɩcagbi kä, bʋblɔ ‑mülü käa' 'cɩcagbi.» 34'Ba ‑nyɩgla 'ana bobowli 'kä ‑bɛ 'ba fio ‑balʋa ‑gʋ; 'be ‑mölöö bä 'ana ‑tɔrʋpɩɔ 'ünyɩ Nyɔsʋa ‑a jre. ‑Gbala 'n ‑gbala 'amɩ; 'a bä 'nyüsü 'wʋ.
'Kuaabresɔfugba
35‑Beeredɛ nyɔɔ nya 'daa: «‑Asɩ jäjänyüü nya 'wʋsɔdɛɛ nʋ le? Fugba 'plɛɛ 'ümä ja ‑bɛ 'ümä ji le?» 36Mlüünyɔɔ! ‑Ama pla dɛɛ nɩ, 'ɛ kä 'ɛmä jä 'fɩɔwʋ, ‑a ji 'ɛmä ‑ga. 37'Jaji bäsaa, 'ɛɛ pla, ‑beeredɛ ‑bleeea 'jaji 'aiɛ dɛɛ ‑mɩdeea 'jaji, ‑mää dɛɛlɛ kä 'jaji ‑plaa' ‑mää ‑plɩɩ 'ɛa tuu 'nyɩ kʋ ‑bɛ 'unyɩ ‑ga dotro. 38‑Maa Nyɔsʋa 'ɔɔ ‑nyɛɛ fugbalä 'ɔ ‑waa', tuulu kä 'jaji ‑plaa'; 'jaji ‑bɛ 'ɛa fugba. 39Fugbaa 'fɩɔ 'nyɩ dɛɛ 'dee ‑a bä. Fugba ‑mölöö bä nyɔɔa nä, ‑mölöö bä mlaa nä, ‑mölöö bä ‑srüa nä, ‑bɛ ‑mölöö bä nyisiea nä.
40Cɛa 'mlɩ dii kä 'ia fugba ‑bɛ ‑tʋtʋgälɩa ni kä 'ia fugba. Cɛlɩa diilia pöplökʋ nyra ‑tʋtʋ ‑gälɩa nia pöplökʋ 'nyɩ dɛɛ 'dee ‑a bä. 41'Jrʋ kä 'ua pöplökʋ, ‑bɛ ‑seple kä 'ɛa pöplökʋ, ‑särëa pöplökʋ nya bä bɩa 'dɔrɔdɔ; 'be 'üa pöplökʋ 'nyɩ dɛɛ 'dee ‑a bä.
42'Asɩ jäjänyüüa 'kuaabresɔsɔkʋ bä bɩa. Fugba ‑träärä ‑beere dɛɛa 'jaji 'mäa' ‑fɛ, ‑maa äma sɔwʋ nɩ, 'ä ‑kanyɩ ‑fɛfɛsa ‑a bä. 43'Ä ‑kanyɩ ‑gbaa ‑a kä, ‑bɛ 'ü ‑tʋʋä 'ään, ‑maa 'wliklɩbʋabʋakʋ 'lɩ 'ä sɔrɔwʋ; 'ä 'fʋma ‑bɛ 'ü ‑tʋʋä 'ään, ‑maa 'klüa 'mlɩ 'ä sɔrɔwʋ. 44Üma ‑tʋ 'ɔɔn nɩ, 'bɔɔwlɔɔ fugba 'ɔ kä, ‑maa ɔma sɔwʋ Nyɔsʋaa ‑Susu bä 'ɔɔn 'lɩ. 'Bɔɔwlɔɔ fugba bälɩ, fugbalä Nyɔsʋaa ‑Susu 'tierea' nya bälɩ.
45Nyɔsʋapɔɔkʋ nɩnɩa: «Nyɔɔlɔ ‑kätɩ Nyɔsʋa nʋa' 'ɔɔ bä Adaan#15.45 Jenɛɛsë 2.7..» Dɛrɩtäpa Adaan nya bä ‑susulu ‑nyɛɛa' 'klä. 46‑Mää ‑susu ‑kätɩ 'nyɩ nrörö, ‑maa 'jajɛ ‑kätɩ 'ɛɛ nrörö 'fɩɔwʋ 'kä ‑susu 'patä. 47‑Tʋtʋ Nyɔsʋa nʋ 'ɔnya nʋ ‑kätɩa nɔ; 'sɔɔa nɔ, ɔ bäa' 'Pläkänyɔɔlɔ#15.47 'Pläkänyɔɔlɔ: ‑Taa ‑waklöölä 'nyɩ grɛɛkë kätɩpɔɔkɩ ‑mɩdooa 'mlɩ ‑a bä. nɩ, cɛlɩ 'ɔ sɔ. 48Nyüülü bäa' ‑tʋtʋ ‑gälɩ ‑beere ‑mɔlɔ 'ü nʋa' ‑tʋtʋ ‑bɛ 'ü nʋa'. ‑Mülü bäa' cɛlɩ ‑beere ‑mɔlɔ sɔa' cɛa 'mlɩ. 49‑Bɛ a ‑beerea' ‑mɔlɔ 'ü nʋa' ‑tʋtʋ 'ü nʋa' nɩ, 'asɩ amä ‑beere nyɔɔlɔ sɔa' cɛa 'mlɩ.
50'Na ‑wlajü 'amɩ, ‑jäsɩ 'n ‑gbalaa' 'amɩ nɩ: Dɛɛlɛ bäa' 'jajɛ nyra ‑toru 'nyɩ 'lɩ ‑a bɩa ü ji Nyɔsʋaa 'kamapläa ‑jaaa, ‑bɛ dɛɛ nëmäa' ‑fɛ nɩ, 'ɛnyɩ 'lɩ ‑a bɩa ɛ ji 'klälä 'nyɩa' blöröfa käa ‑jaaa. 51‑Jää wii ‑sisiea' 'mäa' 'amɩ ‑gbala: ana 'fɩɔ ‑nëmä jä ‑a jä. ‑Maa ana 'fɩɔ nya 'cicria, 52'sɩrɩ nyɔɔ 'kaplaa' 'nyiö 'asɩ 'imä 'kökle, 'taɩn 'lɩ 'täpa dɛglɛ 'mäa' wii 'pa. 'Be ɛma 'pawii dotro, jäjänyüü nya 'wʋsɔa 'ümä 'klälä 'nyɩa' blöröfa kä 'jä, ‑bɛ amɔlɔ nɩ, anya 'cicria. 53'Be 'jajɛlɛ nëmäa' ‑fɛ 'ɛ kä 'ɛmä 'cicri, ‑bɛ 'ɛmä 'jajɛlɛ 'nyɩ ‑fɛa' bä. ‑Mɛlɛ jäa' kä 'ɛmä 'cicri, ‑bɛ 'ɛmä dɛɛlɛ 'nyɩ jäa' bä. 54Dɛɛlɛ ‑fɛa' ma bä 'cicrisa 'kä 'ɛmä dɛɛlɛ 'nyɩ ‑fɛa' bä nɩ, ‑bɛ dɛɛlɛ jäa' ma 'cicri 'kä 'ɛmä dɛɛlɛ 'nyɩ jäa' bä nɩ, ‑taa waklöölä ‑jɩjraa' nya nröröa:
Jäjä ‑kanyɩ 'lɩ ‑a bä, 'ä 'a bɔtrɔ ‑gböösa # 15.54
Esaii 25.8
.!
55 ‑Mɔ jäjä, ‑a 'plɛɛ ‑na tafudɛɛ bä le # 15.55
Osee 13.14
.?
‑Mɔ jäjäa bätä # 15.55 ‑Mɔ jäjäa bätä: Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: Jäjä. ‑a 'plɛɛ ‑na 'klü bä le?
56Jäjäa tafudɛɛ bä ‑balʋ; ‑bɛ ‑balʋa 'klü ‑bä ‑dɔ. 57‑Maa a 'trɛɛ Nyɔsʋa, ɔ ‑sröröa' 'ana 'Pläkänyɔɔ Jesu 'Kriisë kälɩ, ‑bɛ 'ɔ ‑nyɩa' amɩ 'wʋsisikʋ! 58'Ii känyrɩ 'na ‑wawawlajü 'amɩ, 'ba ‑sɔɔrɔwʋ, 'ba 'nyüglö nyɩbɛsa. 'Ba kpɛrɛ 'ana nyüfë 'taɩn a 'fɩɔ 'lɩ, 'amä 'Pläkänyɔɔa 'jrʋpa ‑fɛ. 'A jre 'iin 'sɩrɩ 'jrʋpalä 'a ‑fɛɛɛa' 'nyɩa' 'fëflɛsa bä.
Currently Selected:
1 Korɛɛntënyüü 15: Bakwé
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.
