Popular Bible Verses from 1 Korɛɛntënyüü 11

Share

'Ü bɩaraa' 'lɩ nɩ, 'asɩ 'ɔ nʋ bɩa 'ɔnya dɔrɔ ‑köwö 'wʋ, 'ɔ ‑nëma: «‑Taa ‑köwölä nɩ, 'ää bä kuö dëdrälä 'palaa' 'na ‑toru 'lɩ. 'Asɩ 'amäa' 'ään 'mla nɩ, 'ba nʋ 'imɩ 'amä 'na ‑gä plɛ 'pa.» 'Ba jresaa, 'taɩn a 'fɩɔ 'lɩ 'amäa' ‑taa 'flɔɔlʋ ji, ‑bɛ 'amäa' ‑taa ‑köwölä 'mla nɩ, 'Pläkänyɔɔa jäjäa ‑gä 'a 'pa; 'asɩ 'anya kä kä, 'kä 'ɔnya ji.

Wiili 'n 'kpɩaa' 'amɩ nɩ, 'Pläkänyɔɔ kälɩ 'n 'ba 'imɩ: ‑Gbialä kä 'mlɩ 'Pläkänyɔɔ Jesu 'saraa' nɩ, 'a ‑gbia 'dööläa 'mlɩ 'ɔ dɔrɔ 'flɔɔ 'wʋ. 'Ɔ bɩaa' Nyɔsʋa 'tɛtrɛɛkʋ nɩ, 'ɔnya 'böblö 'uun ‑tɩa, 'ɔ ‑nëma: «'Ba dɔrɔ 'uun 'wʋ, 'ba ji 'uun, 'na fugba bäsaa, 'ää 'saraa' 'ana ‑gʋ. 'Ba nʋ 'imɩ 'amä 'na ‑gä plɛ 'pa.»

'Ii känyrɩ, ‑moloo ma bälɩ, ɔ bobo 'ɔa nʋnʋgbia ‑gä 'fɩɔwʋ ‑bɛ 'ɔmä 'flɔɔlʋ ji, ‑bɛ 'ɔmä ‑köwölä 'mla. 'Be nyɔɔlɔ 'nyɩ ‑trääräa' 'lɩ 'iin, ‑bɛ 'ɔ jöa' 'flɔɔlʋ ‑bɛ 'ɔ 'mlaa ‑köwölä nɩ, Nyɔsʋaa 'pɔnɩkʋ 'ɔ 'kʋɛɛrɛ 'ɔa nyufa 'wʋ; 'be 'ɔnyɩ bobo ‑a bobo 'sɩrɩ 'Pläkänyɔɔa fugba bäa' 'saa.

'A 'ia ‑gʋ, nyɔɔ ma 'pa 'iin sawʋ nɩ, ‑bɛ ɔma ji 'flɔɔlʋ, ɔma 'mla 'Pläkänyɔɔa ‑köwölä nɩ, ‑balʋ 'ɔ nʋ 'Pläkänyɔɔa fugba nyra 'ɔa ‑toru ‑gba.

'Sɩrɩ 'n nöa' 'Kriisëa 'sa nɩ, 'ba nʋ bɩa 'na 'saa.