Popular Bible Verses from Rome 12

Share

Lo77o, ufayssizen folo maaqqide Xoozze qofa shaakkii erodes yin wozintte laaminttotep attin hyanna alamito aazippete.

Yikke, ta ishuntso, Xoozza ufayssize, de7on geeshi zharsho mahi, yin galtto shiishode fana taanii yinttana Xoozze maarotitsite woossane. Yinnan Xoozza yin goynodes beezize turii oge.

Xoozii inggide ufayssara ufayttote; madha dandda7ote; ubba wode Xooz woossote.

Iita lo77or gamotep attin iitara gaminttippe.

Fetay fatayra ishe fana siiqinttote; fetay fetaya bonchchote.

Yin siiqita afurappa kattara maaqqodes beezoos. Iita baz ixxote; lo77o baz mintsii aykkote.

Dandda7inttiko as ubbara saro yessades yinttis dandda7inttizanno ubba oochchote.

Ta ishuntso, yin, yin ommite asis qime mahippete. Xoozii qime mahode fana ees ashshote. Geeshi Maxaafite, «Taanii qime mahoda; taanii kushito mahoda» yagaane Laatstsii, ga7intti xaafinttida.

Azal7ippete; yin ayyaanar miinggi Laatstsis oochchote.

Xoozii yin fetays fetays inggide ammanttii fana wozinaama asi fana qoppote. Qoppodes beezizannippa aatsii yinttana dummuzii, uturara qoppipete ga7i taas ingginttide aadho keehatitsite yinttis ohine.

Ooden yinttis iita baz oochchiko, ye atstses iita mahippete. As ubba tiino nashshize lo77o oocha oochchote.

Fetay fetayra fettii qofite yezote. Utura qofa ashshii, yinttana ziqii yiizii, aada asuntsara wolla yezote. Yin yinttana era ga7i qoppipete.

Yezin Geeshi Maxaafite, «Ne morkkizaya naydhdhiko muzo; E baridhdhiko ushsho. Ne yinno oochchiko E ommite tama qaaqa gussane» ga7intti xaafinttida.

Yinttana bay7izuntsana anjjote; anjjotep attin baaddippete. Ufayttizuntsara ufayttote; yeekkizuntsara yeekkote.

Ammanze geeshshuntsana koshshize bazara maaddote; zaqqo mokkote.

Nu fettii gallitii gidda dumma dumma billituntsi yene; yinna dumma dumma billituntsis dumma dumma oocha yene. Yinnii gaar, nuunii gaama asi maaqqikon Kiristtoosara fettii galla maaqqida. Nuunii fettii galla maaqqii dumma dumma billite fetay fetayra aykinttida.