Popular Bible Verses from Qolaasiyasa 2

Share

Yin Laatstse Kiristtoos Yesuusa ekkidanni fana eera yezote. E gidda xapho dakkote; E gidda keexinttote. Yin tamaaridannifana ammanora minggote; Xoozis kumii lanttize galata inggote.

Kiristtoosappa maaqqikaayzin as wogaran hyanna alame cer wogara eqqii timirtteran asappa yi7ide eratitsara ooden yinttana cimmii balitsii ekkaame fana naaginttote.

Yin, yin nagara gishon yin nagara asatitsita garrazinttikaayze gisho hyayqqida yeshsha, Xoozii yin nagartto atto gayda. Kiristtoosara yinttis de7o inggida. E nuna mootii nuura olinttize higgito hyaasii, nuulla afa xaafinttide galito fer7i masqalalla afa suxxii ogeppa hyaasida.

Xoozze Xoozzetitsita Kiristtoosa gallite kumutsi qonccii yene. Yinttin adetitsi wolqqa ubbas omma maaqqide Kiristtoosa gidda kumida.

Yinnii gisho, muuze bazara woy uzhize bazara, ba7ale wode woy agina xeerize qamma bonchchora sambbata bonchchora ooden yinttalla afa firddippe. Hyantses tiinoppa yo7odes yeze bazis dasho, yezin turize Kiristtoosa.