Popular Bible Verses from GENESIS 37

Share

¶ Joseph dush gagoo keënahbundum, oogeweenduhmoowaun dush wekahnesun: ahwahshema dush oogesheenganemegoon enewh.

Israel dush ahwahshema oogesahgeäun Josephun kuhkenuh dush ween oonejahnesun, kenegewun mah uhpe kahkenkaud; oogeöozhetuhmoowaun dush ahnooj anuhdetanig puhpeensekoowahgun.

Uhpe dush wekahnesun kakanduhmenid ewh ween ahwahshema kesahgeëgood oosewaun kuhkenuh dush ween wekahnesun, oogesheenganemahwaun, kah dush oogekushketoosenahwah bakah cheguhnoonahwaud.

¶ Keënahbundum dush menuhwah pazhik enahbunduhmoowin, oogeweenduhmoowaun dush wekahnesun, oo‐oo keëkedood, Benuh ningeënahbundum menuhwah pazhik enahbunduhmoowin; benuh dush ningeshahgushketahgoog keezis kuhya tebike‐keezis kuhya egewh metauswe ahshe pazhig ahnungoog.

Oogekeshahwanemegoon dush enewh wekahnesun; oosun dush ween keguhnuhwanduhmoon ewh ekedoowin.

Oo‐oo dush oogeënaun, Bezinduhmook, kepuhgoosanemenim, maunduh enahbunduhmoowin kahenahbunduhmaun: Benuh kegetuhkoobetoomin buhquazhegunushk emuh ketegauning, benuh dush ewh neen kahduhkoobetooyaun kepuhsegwemahgud, kuhya keqwuhyukookahbahwemahgud; enewh dush kenuhwah kahtuhkoobetooyag kewetuhyeëe kenebuhwemahgudoon, kuhya oogeshahgushketahnahwah ewh neen kahtuhkoobetooyaun.

Umba suh nesahdah, kuhya apuhgenahdah ningooche wahnekauning, kegahekedoomin dush, Oogeähmoogoon mujje‐ahwaseün; kegahwahbundahmin dush chetebishkoosanegwan oodenahbunduhmoowinun.

Kepemoosawug dush Midianitug ahtahwa‐wenenewug; Oogeöombahbeginahwaun dush Josephun oonje wahnekauning, kuhya oogeähtahmahwaun enewh Ishmaelitun Joseph weyow neezhtuhnuh‐duswahbik shooneyah ketebahahmahwahwug: Egypting dush oogeëzhewenahwaun Josephun.

Oo‐oo dush keëdewug, Mesuh mahbuh natuh‐enahbundung pahtahsuhmoosad.

Uhpe dush wahsuh kahoonzahbuhmahwaud, chepwah pashoo peähyahnid emuh ahyahwaud, kekuhnoonindewug chenesahwaud.

Reuben dush oo‐oo oogeënaun, Kagoo oonjegahtuhmah-wahkagoon oomisqueem, ahpuggenik atuh oomah wahnekauning puhgwuhduhkummig anduhgoog, kagoo kuhya taungenahkagoon; wekediskenaud oonje ooneenjewaung, kuhya wepuggedenuhmahwaud menuhwah enewh oosene.