Popular Bible Verses from Kitaaba Faaru'uu 18

Share

Mootiin Waan Maraa rassaa kiyya, waan itti golladhu; ka na baasulle'e. Waaqi kiyya rassaa kiyya ka ani itti baqadhu; inni wontee tiyya; ka akka gaafaa woy na irraa dhooggu; inni waan ani itti golladhu.

Karaan Waaqaa dhidhinna hin qabu; jechi Mootii Waan Maraa dhuga'a; worra isatti baqatuuf, inni wonte'e.

Ani Mootii Waan Maraa leellifamaa hin waammadha; innille diinota kiyya jalaa na hin baasa.

Rakkinna kiyya keessatti ani Mootii Waan Maraa kiyya waammadhe; akka na qarqaaruuf, Waaqa kiyyatti iyye. Inni Dunkaanii Woyyittii ifii keessaa qoonqoo tiyya dhage'e; iyya tiyyalle caqase.

Ee Mootii Waan Maraa, ati ifa naaf hin issita; Waaqa kiyya, ati dukkana tiyya hin issita.

Jabeenna ka anaaf kennu, ka karaa naaf qajeelchu Waaqa.

Mootiin Waan Maraa jiraata'a! Rassaan kiyya leellifamuu ti! Waaqi fayyisaan kiyya jajamuu ti.