Popular Bible Verses from Kitaaba Faaru'uu 103

Share

Ee lubbuu tiyya Mootii Waan Maraa leellisi; waan dansaa inni godhe mara hin dedhin.

Ka cubbuu teeti mara si'iif araaramu, ka dhukkuba keeti mara fayyisu, ka jiruu teeti awwaalamuu irraa wodu, ka jaalala bara baraatii fi marartii sii kennu, dargaggummaan teeti akka risa'aa akka haareffantu, ka jiruu teeti waan dansa'aan quussu isa.

Ee lubbuu tiyya Mootii Waan Maraa leellisi; keessi kiyya duudiin maqaa isaa woyyicha leellisi.

Akkuma abbaan ijoollee ifiitiif gadhaa laafu, maarre Mootiin Waan Maraalle worra isa sodaatuuf gadhaa laafa.

Akkuma garri aduun baatu gara aduun seentu irraa fagaatu, inni cubbuu teenna nu irraa fageessa.

Mootiin Waan Maraa mararti'ii fi araaraan ka guutame, ka aari'iif hin ariifannee fi ka jaalala guddaa qabu.

Inni akka cubbuu teennaatitti nu irratti hin huju; akka yakkaa teennaatitti gatii nu'uuf hin kaffalle. Akkuma ol-gubbaan lafa irraa ol fagaattu, worra isa sodaatuuf jaalalli isaa ka bara baraa akka malee gudda'a.

Mootiin Waan Maraa barcumaa mootummaa ifii ol-gubbaa keessatti jabeessee dhaabbateera; mootummaan isaa waan mara bulchiti.