Popular Bible Verses from Kitaaba Lallabaa 3

Share

Waan maraaf yennaan jirti; waan biyya lafa irraa maraaf yennaan jirti.

Dhalatiisaaf yennaan jirti; du'iisaafille yennaan jirti; Dhaabiisaaf yennaan jirti; buqqisiisaafille yennaan jirti. Ijjeesiisaaf yennaan jirti; fayyisiisaafille yennaan jirti. Diigiisaaf yennaan jirti; ijaariisaafille yennaan jirti.

Bowiisaaf yennaan jirti; kolliisaafille yennaan jirti. Gaddisaaf yennaan jirti; sirbiisaafille yennaan jirti. Dhakaa bittinneessiisaaf yennaan jirti; dhakaa wolitti qabiisaafille yennaan jirti. Hanqafatiisaaf yennaan jirti; hanqafatiisa lakkisiisaafille yennaan jirti.

Tarsaasiisaaf yennaan jirti; hodhiisaafille yennaan jirti. Cadhisiisaaf yennaan jirti; dubbatiisaafille yennaan jirti. Jaalatiisaaf yennaan jirti; jibbiisaafille yennaan jirti. Lolaaf yennaan jirti; nageyaafille yennaan jirti.

Barbaadiisaaf yennaan jirti; barbaadiisa lakkisiisaafille yennaan jirti. Maffatiisaaf yennaan jirti; gatiisaafille yennaa jirti.

Wonni Waaqi huje martinuu haga bara baraa akka jiraattu ani hin beeka; wonni itti ede'amuu fi irraa fuudhamu tokkolle hin jiru. Nami martinuu akka isa sodaatuuf, Waaqi waan kana godhe.

Ani, «Waaqi waan maraa fi hujii maraafille yennaa waan qabuuf, balcha'aa fi cubbichalle gara mura'aa hin fida» jedhee, gadhaa kiyya keessatti yaadadhe.