Popular Bible Verses from رومی کلیسارا نامه 3

Share

اِمی خونِه کن گِرد، گناخِشون کردَیه و خدا شکوه و جلالی نَکا کم بوعَردین. و خدا فِیضینَه، کن هنتَه ایلَه خَلا شیوارَ و اَ آزادی بَها واسیطَنَه کن مَسیح عیسا دلَکارَ، صالح بَه حیساب آن.

اِم صالح بِه کن خِداکارَ، عیسای مَسیح کا ایمان داشتِه راه نَه، گردِ اَیِنی نَصیب بَبیَه کن ایمان بوعَرِن. اِمی خونه کن هیچ فرقی نیَه.

خدا، عیسی مسیحِش هِنتَه گِناخون کَفارَ شیوار آناشَه، اَ کَفّارَ کن چَی خونیَنه و ایمان داشته را کا بِدَست آ. اِم، خدا عیدالَتی آمونِستِه خونه بَه، اِمی خونه کن اَ اِشتَن ایلاهییَه صَبرینَه، اَ گِناخِنی کن چیمی بَه نَه ایتفاق دَگِنِستَه به، نِدیدِش گَتَه. اَ اِنتَه کَردِشَه تا اِشتَن عیدالَتی اِم زَمونَه دوورَکا آمونِه، تا اِشتَن عادیل ببو و اَیینی کن عیسی کا ایمان بَداشتینَه گرد، صالح بَحیساب بان.

اِمی خونه کن هیچ اینسانی نیَه کن شَریعَتی اَعمالی اَنجوم دوعِه خونه، خدا چَمیکا صالح بَحیساب با، اِمی خونه کن شَریعَت، گَناخی اَوون آمونِه.

هَتَه کن موقدسَه نِوِشتَه اون دلَکا نوشتَه آبَیَه: « هیچ کَم صالح نییَه، حتی ایی نفر. هیچ‌ کم اَفَم نیَه، هیچ‌کَم خدا دوملَه نییَگَردِست. گِردی خِداشون پِشت آکردَیه. اَیِن یَندِنَه دَدارَ راهون دوملَه شَه این. نیکوکاری نیَه، حتی ایلَه.»

اِمی خونه کن اَمه ایتقاد دارَم کن اینسان بی اِمکن شَریعَتی اَعمالی اَنجوم بدَرِ، ایمان داشتِه نَه صالح بَحیساب آ.

هرگز! حتی اَگَم گِردِ آدَمِن دِرو اَواج بِبون، خدا راستَه واجَه! هَتَه کن داوودی کیتاو مَزموریکا نِوِشتَه آبَه یَه کن: «اِمی خاطِر، وَقتی گَف بَژَش راست باتیش، و وقتی دیوون بَکَش، اِشتِه دیوون کَردِ دِرِستَه.»