Popular Bible Verses from رومی کلیسارا نامه 1

Share

اِمی خونه کن اَز اِنجیلیکا عار ندارِم، چیرا کن اِنجیل، هَر کَمی نیجات دوعِه را کن ایمان بوعَرِ، خدا زبقَه، اَوَلیکا یَهود و چَی بَه دوملَه غَیر یَهود.

اِمی خونه کن اِنجیلی دِلَکا، اَ صالِح بِه ایی کن خدا شِنَه دیار آرَبن، کن شِروو کا تا آخیر ایمان داشتِه سَردِرِ آمبستَه. هَتَه کن حَبَقوق پَیغَمبَری کیتاویکا نِوِشتَه آبَه یَه کن: «صالیحَه آدَم ایمان داشتِه نَه زندَگی بَکَیَه.»

چون خدا اَ صیفَتِن کن نییَب اَوون ویندِ، یعنی چَی زَیرونَه خِنَر و ایلاهییَه ذات، دِنیا خلق بِه شِرووکا، اَ چییِنی کن سی آبَه اینَه دلَکا واضح ویندَنینَه. پس اَیِن دِ هیچ رِقنَه ایی نیشون.

اِمی خونه کن هرچَنَه خدا آزنِستِشون، ولی بَی هنتَه ایلَه خدا شیوار حورمت ایحترام نِکردِشون، بَلکَم اِشتَن فِکرونکا، دَدار چییونکا ویلاخیستین و ظِلَمات چَوون نافَمَه دِلیش گتَه.

اِمی خونه کن اَیِن اَ حَقیقَتی کن خدا خونِه اَ، دِرو نَه عَوَضِشون آکَردَ و مَخلوقی خالیقی جِگا پَرستِش و خیدمَت کَردِشون، خالِقی کن تا اَبَد پی بَی پرستِش کردِ. آمین.

اِمی خونه کن خدا غَضَّب، هَر مودیل بی خدایی و اینسانون ناراستی سَردِرِ کن اِشتَن ناراستینَه حَقیقَتی نیفیت بَکَن، آستامونیکا ویرَرا.

اِمی خاطر خدا نی اَیِنِش چَوون شَرم آوَرَ شَهوَتیکا آهَشتِش. اِمی خونه کن چَوون ژِنِن، طَبیعیَه رابِطَه اون غَیرِ طَیبعیَه رابِطَه اونَّه عَوَض آکَردِشون. هِنتَرَکِه، مِردِن نی ژِنونَّه طَیبعیَه رابِطَه آهَشتِشون، و یَندِ شَهوَتی آراکا سیجیستین. مِرد مِردینَه شَرم آوَرَ کار اَنجوم اَدَری، و اِشتَن بَدَ کارون مکا فاتیشون ویندَ. هَتَه کن خدا آزنِستِه چَوونرا اَرزِشی نِداریَه، خدا نی اَیِنِش، چَوون مِچِمَه فکریکا آهَشتِش تا اِشتَن بَدَ کارون اَنجوم بِدَرِن.

اَگَم چِه ایدعا اَکَرینَه کن اَلمَندین، ولی نافَم آبینَه، و اَیِن زَیرونَه خدا شکوه و جلالی، اَ بوتِنی نَه کن فانییَه اینسان و پرندَاِن و خَیوونِن و خَزَندَاون اَمونینَه، عَوَض آکردِشون.