Popular Bible Verses from یوحنا موکاشیفَه 12

Share

اَیِن وَرَ خونینَه و اِشتَن شاهیدی کلامینه، چَی سَردِرِ پیروز آبین. اِمی خونه کن حتی تا مَردِ موقه، اِشتَن جانی خاجَتی نَزنینَه.

چِی بَه دومله برکَه لَسَّه ایی آستامونیکا درَستِمه کن اَواجیَه: «ایسَه چَمَه خدا نیجات و خِنَر و پادیشاهی، و چَی مسیح زاکینداری آرَستَیه. چون اَ کن چَمه بِراون سَردِرِ ایفترا بَژَی، کن چَمه خدا حِضوریکا شَو روج اَوون ایتهام اَژَنیَه، بِنِشون بَرَفندَ.

یالَه اَژدِخا بِنیرا ویگنِسته، یعنی هَه قدیمیه نَلَتی کن بَی ابلیس یا شَیطون خِلِه اَکَرینَه و دِنیا دِلَه گِردِ آدَمون گومراه آکَردِشَه. اَشون زَمینی سَر ویداشتِشون و چَی فرشتَه اِنِشون نی بَینَه بِنیرا ویرَفَندشون.

پس اَی آستامونِن و آستامونیکا اَمونِن، خَشی بکرَ. ولی بِرامِه اِشتِه حالیرا اَی زمین و اَی دَیرا، اِمی خونه کن ابلیس برکَه غَرَصینه شمَه سَردِرِ بِنیرا آمَه یَه، اِمی خونه کن بَموستیَه وقت کَمَه.»

و ایکَرَ ایی آستامونیکا جَنگی شِروو بَه. میکاییل اِشتَن فرشتَه اونَّه اَژدِخانَه جنگِستین. اَژدِخا اِشتَن فرشتَه اونَّه چَوون ناریکا جِنگِستِرا راست آبین.

چَی بَه دومَله اَژدِخا ژِنیرا آسَرنگَه و شَه تا چَی مَندَ نَتاجینَه بجنگِه؛ یعنی اَیِنی کن خدا حِکمون ایطاعَت بَکن و عیسی شهادتیکا آچیکِسته اینه.

اَموقه ایلَه بَرکَه نشونَه ایی آستامونیکا اَیر آبَه: ایلَه ژِن کن آختاوِش دَکردَ بَه و اِشتَن لِنگی بنیکا مانگی داری و ایلَه تاج دانزَ گِلَه اِسترَکا اِشتَن کَلَکا داری. اَ ژِن خامیلَه به و زَندِ داجی خونه و زَندِ عذابی خونه جِکَّله اَژَنیَه.

اَ ژِن زوعَه ایی دِنیاش وَردَ، ایلَه زوعَه کن قَرارَ اِشتَن آسونَه چَلیکینه گِردِ میلتون سَردِرِ حکم بکَرِ. ولی جَخت چَی خِردَنشون خدا و چَی تختی طرفیراشون پِگَتَه. و اَ ژِن وَیاوونیرا، اَ جِگا ایرا کن خدا چَیرا آمادَ آکَردَش بَه ویریتَه، تا اَجِگا دلَکا هَزارو دِویستو شِصت روج، بَی غَم بَرِن.

چَی بَه دوملَه ایلَه دییَرَ نشونَه ایی آستامونیکا اَیر آبَه: بوین، ایلَه بَرکَه سِرَ یالَه اَژدِخا کن هَف گِلَه کلَّه و دَ گلَه شاخ دارییَه و هَف گلَه تاج چَی کلَه اونکا بَه. چَی دووم آستامونی یَک سوومی اِسترَ اون گِزِ ژِشه و زَمینی سَردِرِ ویکَردِش. اَژدِخا اَ ژِنی کن کایبَه زَندِ ناریکا مندَ، تا چَی خرِدَنی دِنیا آمِه بَه دوملَه، اَی ویبَرِ.

ولی اَ یالَه عوقابی دِ گِلَه بالی اَ ژِنِشون دوعَه تا اَ جگا ایرا کن وَیاوونیکا چَیرا آمادَ اَکَردشون بَه پر بیگِرِ و اَ جِگاکا اَ نلَتیکا دوور ببو، و ایی زمانی و زَمانِنی و نیمَه زمانی بَی غَم بَرِن. اَ نلَتی اِشتَن گَویکا هنتَه رِباری آوی شیوار، آو وَر آداشَه تا اَ ژِنی پِشتاکَر بشو و لَیس اَ ژِنی اِشتَنَه ببَرِ. ولی زمین اَ ژِنی آرَستِرا آمَه و اِشتَن گَویش آکَردَ و لَیسی کن اَژدِخا اِشتَن گَویکاش وَر آدوعَه بَه ویبَردِش.