Popular Bible Verses from نامَه اَفسوسی کلیسارا 5

Share

پس هِنتَه خاجَتییَه خِردَنون شیوار، خدا کا سرمشق بیگَرَ. و موحبتینه رفتار بکرَ، هته کن مسیح نی اَمَش موحبَت کردَ و اِشتَن جانی، هنته ایلَه قِربونی و عَطرینَه خَلایی شیوار خدارا تقدیم کردش.

پس، بَرک حواسِرون ببو کن چنترَ رفتار بَکَرون، اَلمندون شیوار رفتار بکرَ نِه نافَمون شیوار. اِم وقتی کن دارَ قدری بزنَه، اِمی خونه کن اِم روجِن بَدَ روجِنی هِستینَه.

شراوی مَست آنِبَه، کن بَشِمَه بدَ کارونرا دَرَراکنِست؛ بَسکم خداروح کا پتلمَه ببَه. مزامیرینه، پرستشَه سِرودِن و آوازِنی کن خدا روح کا اَ، یندِنَه گفَه ژَنِه بکرَ و صِدق دلینَه خداوندیرا بوخونه و آهنگ سِی آکَرَ. اوزون خدای دَدَ، چَمه خداوند عیسی مسیح نومینَه هَمه چی خونه شکر بواجَه.

پس نافَم مبَه، بَسکم سرآگِنه کن خداوندی ایرادَ چه چییَه.

اَی مِردِن، اِشتَن ژِنون رَی بدارَ، هته کن مسیح نی اِشتَن کلیسا رَی داریَه و اِشتَن جانی چَیرا آداشَه،

شمه ایی زمان ظِلَماتیکا بیرون، ولی ایسَه خداوندیکا نوریرون. پس هنته نوری خِردَنون شیوار رفتار بکَرَ.

مسیح حورمتی خونه، یَندِ فِرمون ببَه.

اَی ژِنن، هَتَه کن خداوندیرا فِرمونیرون، اِشتَن شو فِرمون ببَه،

خولاصَه اِمکن، هر کِرَم شمَکا نی پی اِشتَن ژِنی هنتَه اِشتَن جانی شیوار رَی بدارِ، و ژِن پی چَی حواس ببو کن اِشتَن شو حورمتی غَم بَرِ.

«اِمی خاطر مِرد، اِشتَن دَدَ و نَه نَه آرَهَشت، و اِشتَن ژِنی دَرَچیکست، و اَ دِ ایلَه تَن آنَّب.»

ظلَماتی دَدارَ کارونکا شریک آنِبَه، بَسکم اوون دیار آکَرَ.