Popular Bible Verses from مَرقُس 16

Share

اَسَه وِتیَ بینو: «بِچِن اَرِه سِرُسَر دنیا ئو ایی خَوَر خَوش انجیلَ اِلوم کَن اَر کُل مردِم دنیا.

ئو ایی نشونه‌لَ ها گَرد ایمودارَل: وَه نُم مِه مِلاکَتَل مَهَنَ دِریر ئو وَه زوئونَل جدیدی قصَه مَهَن وَه دَسَلو مارِلَ مَگِرِن، ئو اَر ژیَر بیرِن، ضِرَدیَ بینو نِمَرَسی، ئو دَسَ مَنِن اَر قِ مریضَل ئو اونَل شِفا مَگِرِن.»

هر کی ایمو باری ئو خُسِل تیَمید بِگِری، نجادَ مَگِری. مِنتائای هر کی ایمو ناری، مَکومَ ماو.

اونَل چِنَ دِریر، ئو اَر کُل جا موعظَه‌ئونَ مَهَرد، ئو خداون وَه‌گَردو کارَ مَهَردی ئو پِغوم اونَل وَه نشونَه‌ل ئو مُجِزَه‌لی گه وَه‌گَردو بی، ثابتَ مَهَردی.

پیا جِهالَ وِتیَ بینو: «زِلَتو نَچو. هُمَه هاینونِ فِتِراخ عیسیِ ناصری گه کیشیون اَر صلیب. او زِنیا بیَ ئو اَر ایرَه نیَ. سِیل کَن اَر جای گه جنازه‌ئو نائی.

وخدی سِیلو کِرد، دییو اَ بَردَ گه فِرَه کَلِنگ بی، اِوَر لَحَک پِل هُاردیَسی. اَسَه چِن اِنوم لَحَک، پیا جِهالونی دی گه نیشتوئیِ لا راسا ئو چوخا اِسبی‌ای اِوَر بیتی. وخدی اوُ دی زِلَ‌تِراقا بین.