Popular Bible Verses from Roma 12

Share

Dyan moy ahigán u gággimitán nu tolay hide ti munduwan iye. Pabayan moy a baguwán kam nu Diyos tu pamamag-itan nu págbagu na tu isip moy hide, tánni matukuyan moy u kaluuben nu Diyos ni ánya u maganda katanggap-tanggap sakay makasaya nikuna.

Kanya ngane kákkapatkaka ko hide, kinagbiyan kam nu Diyos kaya mákpágguhunák nikam. Nadid a biyag kam palla, iparehu moy u biyag moy tu essa a alay a awan ti kapintasan a iyatád moy tu Diyos para págserbi nikuna mentaras biyag kam. Iye u makapangpasaya nikuna. Sakay iye u tatahoden a págsamba moy nikuna.

Sakay dipo te pag-asa kam tu biyag magsaya kam. Pagtiisan moy u hirap hide sakay palagi a manalangin.

Dyan kam magpatalo tu madukás ni awan taluwán moy u madukás tu pamamag-itan nu pággimet ti maganda.

Magmahalan kam bilang mátkaka ni Cristo sakay pahalagaan moy u agum higit tu págpahalaga moy tu sadile moy.

Magmahalan kam a tehhod a katapatan. Kaiyamutan moy u madukás sakay palagi kam a maggimet ti maganda.

Ni maare la nakwa, mákpággagum kam ti mapayapa tu atanan a tolay.

Mahal ko hide, dyan kam gumante. Ipaubaya moy ina tu Diyos. Dipo kinagi nu Panginoon tu Kasulatan, “Hikán u gumante, hikán be u magparusa.”

Dyan kam magin tamad ni awan magpakasipag kam sakay buo a puso a magserbi tu Panginoon.

Dipo tu págpapala a impagkaluub nu Diyos nikán ay piniliyák na para magtoldu tu upos na, kagiyán ko nikam a dyan moy pahalagaan u sadile moy ti mas higit tu nerarapat. Ni awan tenggiyán moy u tunay moy a kakayanan ayun tu pánnampalataya a inyatád nikam nu Diyos.

Dyan moy gantiyan ti madukás u maggimet hide ti madukás nikam. Magsikap kam a mabiyag ti marangal.

Mabiyag kam ti mapayapa tu balang essa. Dyan kam magmadakál, ni awan mákpággagum kam ti maayus tu mababa hide ti kalagayan a tolay. Dyan kam mágmaru-marunung.

Kanya ni magaláp u kadima mo, pakanán mo siya. Ni mauwaw siya, painumán mo siya. Dipo ni gimitán mo iye hide ay mepasanike siya tu sadile na.

Ipagdasal moy tu Diyos a pagpalaán u tolay hide a mangsásseste nikam. Pagpalaán moy hide bakán a sumpaán. Mákpagsaya kam tu masaya hide, sakay mákpaglungkut kam tu malungkut hide.

Tulungan moy u kákkapatkákka moy hide a mánnampalataya a te kailangan, sakay patulusán moy u awan hide ti matulusan.

Ni kodya a u bággi ay makpal a parte sakay bawat parte ay tehhod a kanya-kanya a tarabaho, konna labe nikitam a manampalataya. Makpal kitam, pero nabuo kitam tu eessa a bággi ni Cristo, sakay balang essa ay parte nu kada essa.