Popular Bible Verses from Santiagu 4

Share

Kanya magpasakup kam tu Diyos, labanan moy ti Satanas tánni adeyuwan nakam.

Umadene kam tu Diyos tánni umadene siya nikam. Kanya hikam a makasalanan hide, iyemang moy dán u pággagimet ti madukás, sakay u pabagu-bagu hide ti isip, diyan kamon magduwwa-duwwa ti isip a sumunud tu Diyos.

Magpakababa kam tu atubang nu Diyos tánni ilangkaw na kam.

U tatahoden ay tunay ti kadakál u kagbi nu Diyos nikitam kanya tulungan na kitam, konna tu nesulat tu Kasulatan, “Kadima nu Diyos u palalo hide pero kagbiyan na u mapagpakumbaba hide.”

Kanya ni tukoy nu essa a tolay u maganda pero awan na ginimet ay nagkasala siya.

Sakay maskin magaged kam tu Diyos ay awan nakam atádden dipo madukás u katoy tu isip moy sakay gusto moy la a masunud u mágkadukás moy hide a kagustuwan.

Hikam a awan tapat tu Diyos! Awan moy beman tukoy a ni pahalagaan tam u bagay hide ti munduway ay kadima tam u Diyos? Kanya u ti deyaman a sumunud tu madukás a gimet nu tolay ti munduway ay kadima nu Diyos.

Dyan kitam magupos ti konna hina dipo awan tam tukoy ni ánya i mangyariyay ni ilaw tu biyag tam. U biyag tam ay kumán la a asok a bigla la a magbuo sakay awan la malay ay mawan dán.