Popular Bible Verses from Hebreo 10

Share

Sakay diyan tam kalimunan u pákpagipun-ipun a konna tu agum a nakalimon dán. Nan pabegsákkán tam u isip nu balang essa, lalu dán nadid a ketan tamon a adene dán u káddemát nu Panginoon.

Sakay pagsikapan tam a pabegsákkán u balang essa tu págmahal tu agum, sakay tu pággimet ti maganda.

Magpakatatag kitam tu pag-asa tam, sakay diyan kitamon magduwwa-duwwa, dipo matapat u nagpananto nikitam.

Kailangan kam a magtiis tánni masunud moy u kaluuban nu Diyos sakay matanggap moy u inpananto na.

kanya umadene kitam tu Diyos a tehhod a katapatan sakay matibay a pánnampalataya nikuna, dipo nalinis dán nu dige ni Cristo u isip tam a kumán a na ugisan dán u bággi tam tu malinis a dinom.

Kanya diyan kam mawanan ti pánnalig tu Diyos, dipo tehhod a dakál a piremyo a nakalaan para nikam.

Dipo ni tulos-tulos kitam palla a maggimet ti kasalanan, maski ni natukuyan tamon sakay natanggap u tatahoden ay awan dán ti mealay para tu kapatawaden nu kasalanan tam. Nan u maguhay dálla nikitam ay u makaánteng a pademát a pághatul, sakay u maggehab a apoy a mangtutod tu kadima hide nu Diyos!