Popular Bible Verses from ١ بُطْرُس 2

Share

و لَكِن إنتو جِنس مُختار، و قُسُس مُلوكي، و أُمَّه مُقَدَّسَه، و شَعب مَخصوص لِلَّه، عَشان تَخَبِّرو بِحَمد النّاداكُم مِن الضَّلام لِنورو العَجيب.

هو نَفسو حَمَل خَطايانا في جِسمو عَلى الصَّليب، عَشان نِحنا نَموت عَن الخَطيَّه و نَعيش لِلبِر. و بِجُروحو، هو شَفاكُم. عَشانكُم كُنتو زي خِرفان ضايِع، لَكِن رَجَعتو هَسَّع لِراعي نُفوسكُم و مُلاحِظكُم.

إنتو الما كُنتو مِن قَبِل شَعب، لَكِن هَسَّع إنتو شَعب الله. و ما كُنتو قِبِلتو الرَّحمَه، و لَكِن هَسَّع قِبِلتو الرَّحمَه.

زي أطفال إتوَلَدو هَسَّع، دورو اللَّبَن الرّوحي الما فيهو غِش، عَشان تَكبَرو بيهو لِلخَلاص،

يا مَحبوبين، أطلُب ليكُم زي غَريبين و مِسافِرِين تَرفُضو الشَّهوات الجِّسميَّه البِتحارِب النَّفس. عيشو حَياة طَيبَه بين الأُمَم، عَشان إذا يَشكوكُم زي عامِلين الشَّر، يَشوفو أعمالكُم الطَّيبَه، و يَمَجِّدو الله في يوم زيارتو.

و إنتو كَمان مِثِل حُجار حَيَّه، تِنبَنو بيت روحي و قُسُس مُقَدَّسين، عَشان تَقَدِّمو ضَبايح روحيَّه مَقبولَه عِند الله بِيَسُوع المَسيح.

عَشان كِدا، أرمو مِنَّكُم كُلّو شَماتَه و كُلّو غِش و النِّفاق و الحَسَد و كُلّو شَتيمَه.

قَرِّبو ليهو، لِلحَجَر الحَي، المَرفوض مِن النّاس، و لَكِن المُختار مِن الله و مُحتِرَم ليهو.

عيشو زي ناس حُرّين، لَكِن ما تِستَعمِلو حُريّاتكُم زي غَطا لِلشَّر. لَكِن عيشو زي خَدّامين الله.

عَشان إرادَة الله هي أن تَسَكِّتو جَهَل النّاس الغُشّام بِأعمالكُم الطَّيبَه.