Popular Bible Verses from Sealm 77

Share

weorca wræclicra ­ ­ ­ ­ ­worda gemyndig, þæt he æt fruman wundor ­ ­ ­ ­ ­fæger geworhte.” Þa ic metegian ongan ­ ­ ­ ­ ­mænigra weorca, hu ic me on eallum þam ­ ­ ­ ­ ­eaðust geheolde; on eallum þinum weorcum ­ ­ ­ ­ ­ic wæs smeagende, swylce ic on þinum gehylde ­ ­ ­ ­ ­sylf begangen.

þu eart ana god, ­ ­ ­ ­ ­þe æghwylc miht wundor gewyrcean ­ ­ ­ ­ ­on woruldlife. Eft þu þine mihte ­ ­ ­ ­ ­mænige cyðdest folcum on foldan; ­ ­ ­ ­ ­

Ys weruda god ­ ­ ­ ­ ­on wege halgum; hwylc is mihtig god ­ ­ ­ ­ ­butan ure se mæra god?

Ic mid stefne ongann ­ ­ ­ ­ ­styrman to Drihtne, and he me gehyrde ­ ­ ­ ­ ­and beheold sona. Ic on earfoðdæge ­ ­ ­ ­ ­ecne Drihten sohte mid handum ­ ­ ­ ­ ­swyþe geneahhe, and ic on niht for him ­ ­ ­ ­ ­neode eode; næs ic on þam siðe ­ ­ ­ ­ ­beswicen awiht.