Popular Bible Verses from Roma 14

Share

Ngoba umbuso kaNkulunkulu kawusikho ukudla lokunatha, kodwa uyikulunga lokuthula lokuthokoza eMoyeni oNgcwele. Okhonza uKristu kulokhu uyamukeleka kuNkulunkulu, uthandekile ebantwini.

ngoba uba siphila, siphilela iNkosi; uba sisifa, sifela iNkosi. Ngakhoke loba siphila loba sisifa, singabeNkosi.

Ngakho asidingisise izinto eziletha ukuthula lokwakhisana.

Ngakho kasingabe sisasolana; kodwa asizimisele ukuba singambekeli umzalwane isikhubekiso loba ulutho lokumwisa.

Ngoba kulotshiwe ukuthi: Lokhu ngiphila, itsho iNkosi, wonke amadolo azaguqa phambi kwami, lendimi zonke zizakudumisa uNkulunkulu. Ngakhoke ilowo lalowo wethu uzakuziphendulela kuNkulunkulu.

Lowo obuthakathaka ekukholweni mamukeleni, kodwa kungabi ngokuphikisana laye.

Ungubani wena osola inceku yomunye na? Ngoba ukuma ingabe ukuwa kwayo kuyindaba yeNkosi yayo; izakuma isibili, ngoba iNkosi ilamandla okuyimisa.