Popular Bible Verses from Efe 4

Share

Libe mnene omunye komunye, lihawukelane, lithethelelane, njengalokhu uNkulunkulu wasithethelela ngoKristu.

ngokuthobeka konke lobumnene. Bekezelelanani ngothando

Kakungaphumi emlonyeni wenu lalinye ilizwi elibi, kodwa kakube ngelilungele ukwakha njengokufaneleyo ngalesosikhathi, ukuze libe yisibusiso kulabo abezwayo.

Yonke inzondo, lentukuthelo, lolaka, lomsindo, lokunyeya, kanye lakho konke okubi, kakususwe phakathi kwenu.

Thukuthelani lingoni; ilanga kalingatshoni lisathukuthela; lingamniki uSathane ithuba.

ukuba lilahle isimo esidala esokonakeleyo ngezinkanuko zenkohliso, esingesokuhamba kwenu kokuqala, lenziwe libe batsha emoyeni wengqondo zenu. Lambathe isimo esitsha esifuze uNkulunkulu esibonakala ekulungeni lasebungcweleni beqiniso.

likhuthalele ukuqinisa ngezibopho zokuthula ubunye obuvela kuMoya.

Wanika izipho zakhe ukuba abanye babe ngabaphostoli, abanye babe ngabaprofethi, abanye babe ngabavangeli, labanye babe ngabelusi bebandla, abanye babe ngabafundisi, ukuze abangcwele bapheleliselwe umsebenzi ngokukhonza, ekwakhiweni komzimba kaKristu, size sifinyelele sonke ebunyeni bokukholwa lasekwazini iNdodana kaNkulunkulu, lasebuntwini obupheleleyo obulinganiswe ngesimo esigcweleyo sikaKristu.

Ngakhoke kasingabe sisaba ngabantwana abazuliswa bethwalwa yimimoya yonke yokufundisa, sikhohliswa ngabantu ngobuqili babo obulamacebo aduhisayo. Kodwa asikhulume iqiniso ngothando, ukuze sikhule ngakho konke kuKristu.