Popular Bible Verses from ROMA 8

Share

Itam jam men daha' aleng nyalam té' Allah, Allah pah nyadui alem lim nun-nun ja na aleng sayu men kelunan aleng en Na' uvui ngioh kenep Na'.

Avin akui jam lan nusi' té' nun-nun aleng deng mukéh itam men halam Allah. Patei, dahin urip, meliket, dahin ket aleng gem, ket aleng té' kerei inih, dahin ket aleng seng ateng, dahin nun-nun u'a tingan, dahin bau, dahin dalem, dahin nun-nun ket kelengunan aleng ha' béh pah peletu em deng mukéh itam men halam Allah aleng té' alem Kristus Yesus Tuhan tam.

Nunan pah lahuh Belua' nei masi lema tam. Avin nusi' tam jam seng nuno' tuk tam sebayang, bi Belua' atih nah aleng akei ha' unan Allah men itam dahin ngela'it ateng ha' em tula dahun Na'.

Avin ha' nunan, seng nun dahun tam la'an marung lim tuk anih? Iha' Allah té' dahin tam, hi kah seng deng lawan itam?

Avin ha' nutih kerei inih nusi' nah té' ukum la'an men kelunan aleng té' té' alem Kristus Yesus.

Kenep aleng men barik usun tana, atih nah patei, bi kenep aleng men Belua', atih nah urip dahin dena'.

Bi alem lim ket nunan itam kelalau maneng kenan Allah aleng nyalam itam.

Avin akui pelemana' alem kenep kui, katé' aleng kerei inih anih nusi' ta' deng petyah na' dahin aren aleng seng tula té' itam.

Ket nun kah aleng seng deng muéh itam men halam Kristus? Katé' kenep iah, humé' iah, katé' kenan kelunan iah, lien iah, awi jam tuk katé' utoh iah, ga' tusah iah, malat iah?

Tuhan aleng ngering alem kenep kelunan dahin jam nun aleng kenep Belua' atih lahuh, avin Belua' atih akei ha' unan Allah men lim anak Tuhan, ngioh kenep Allah.

Lim kelunan aleng en Beluan Allah ayak, daha' atih nah aleng anak-anak Allah.

Avin kelunan aleng murip ngioh barik usun tana pelemana' ket ha' usun tana anih tua daha', bi kelunan aleng murip men Belua' atih pelemana' ket aleng men Belua' kah daha'.

Anak Na' atih pah Iha' em ma'eng peletu, bi iha' ma'uk Iha' men itam lim, lalau lan pah lim ket nun-nun seng en Na' uk tua men itam lahuh.

Belua' atih nah aleng piah-piah bara dahin beluan tam marung itam anak Allah. Iha' itam uh jadi' anak nutih, itam seng té' nyengayan ket lahuh, iha' atih itam nyengayan ket en Allah ih, piah nyengayan dahin Kristus, iha' tih iha' itam jam katé' dahin Na', ja itam pah en Na' na maren piah dahin Na' lahuh.

Avin kenep men usun tana, pa'en pebunu dahin Allah, avin nusi' ha' nyepida té' tebara Allah, peletu ha' em deng nyepida lahuh.

Iha' kah lim-lim ket aleng uh en Allah ngelengunan atih kelalau nekyang daha', pidah anak-anak Allah nei tula pa.

Avin itam jam lim ket aleng uh en Allah ngelengunan piah ngenalui dahin piah jam perah awi perah nganak ateng kerei inih.