Popular Bible Verses from ROMA 6

Share

Avin tibah sala iha' nah patei, bi ket aleng en Allah ih tua, iha' tih urip aleng pa'en té' alem Tuhan tam Yesus Kristus.

Avin sala atih nusi' ha' ningan té' ujung kam la'an, avin nusi' kam alem tebara menuna' la'an, bi ikam uh alem asi nah anih.

Nunan pah itam uh tanem dahin Na' alem duh tam alem patei atih, ja piah awi Kristus hu'uh en Allah ju men patei alem aren Taman Na', nunan pah lahuh itam anih pah deng murip alem urip aleng maring.

dahin meng kam ma'uk kelawei kam men sala jadi' uvung hadui aleng em teneng, bi uk nah batung kam men Allah awi jam tuk kelunan aleng uh matei nei murip nekulah, dahin ma'uk kelawei kam men Allah jadi' uvung barik aleng teneng.

Avin itam jam marung anih, barik tam aleng una' hu'uh selepang dahin Na' ja batung aleng sala atih tasa', ja meng nah itam dipen sala loh

Nunan pah lahuh tekep nah ikam itung batung kam uh matei té' sala, bi murip men Allah alem Kristus Yesus.

Avin ha' nutih seng nun aleng dahun tam la'an? Tekep tam pa'en na sala ja asi Allah atih nei pi'at-pi'at iah? Peletu-letu nusi'. Itam anih aleng hu'uh matei musang men sala, seng nuno' itam seng murip halem na' loh?

Nusi' kah ikam jam, kelunan aleng ngavan kam ma'uk batung kam jadi' dipen na' dahin ngioh iha', dipen na' nah ikam anan, ngioh tua kam. Daho' anih teneng marung sala aleng geri pala patei dahin marung barik aleng ngioh aleng geri pala teneng lahuh.

Bi ju nah aran Allah, ikam uh dipen sala men'a, bi kerei inih ikam uh ngioh lim-lim tebara aleng en daha' katuk atih dahin lelan kenep kam, avin ikam uh takau men sala, ikam uh jadi' panyin barik aleng teneng.