Popular Bible Verses from ROMA 1

Share

Nusi' kui ha'éh bara dengah sayu atih, avin atih nah tingan Allah aleng ma'uk urip men ha'ut-ha'ut kelunan aleng nginah, aring-aring na' men kelunan Yahudi, nurei pah men kelunan Yunani lahuh.

Avin halem na' uh tula nah ji teneng Allah, pa'un na' men kinah, ateng na' pah kinah, awi aleng uh té' kalung, “Kelunan aleng teneng kenan kinah na' iha' seng murip.”

Avin men aring kelengunan usun tana, lim-lim tuk Allah aleng em tula uh tula té' kelunan, iha' atih tingan Na' aleng pa'en dahin barik Na' aleng petula Iha' Allah, avin ha' tula men hadui Na', ja daha' em deng nyu'ei la'an.

Avin lan pah daha' uh jam Allah, bi daha' em meju Iha' na Iha' maren jadi' Allah daha', daha' pah em bara sayu kenep lahuh men Iha', bi kenep daha' tei tung-tung tua, tei kelahoh lidem tua.

Avin teneng aleng men Allah en daha' ngalui dahin daho' amoh, daha' meju dahin ngetalau ket aleng uh en Allah ngelengunan, pulang nusi' daha' meju Allah aleng ngelengunan na' atih, bi Iha' aleng tekep en tam ju pa'en-pa'en. Amin.

Avin unget Allah uh tula men Surga té' lim barik dahin selalang kelunan aleng muau Iha', avin daha' nasa' ket aleng teneng té' barik daha' aleng em teneng atih.

Avin tavit atih nah Allah mekoh daha' tei alem kivah aleng kelalau ji'ek. Avin daha' doh ngalui adet aleng tekep men batung daha', ala adet aleng em tekep daha' na. Nunan pah lahuh daha' laké' melek adet aleng tekep dahin doh, dahin jadi' lasu alem kivah daha' té' ji dahin ji aleng ha' béh, laké' dahin laké' na hadui aleng em tekep loh, batung daha' kah aleng ala tibah aleng tekep men hadui aleng sala atih. Avin daha' atih em kaséh meng'i Allah, Allah pah mekoh daha' tua na kenep aleng kelalau em tekep atih dahin na hadui aleng em tekep.

Daha' kuma' daha' nyemugen, bi daha' tei palui, daha' ngalui aren Allah aleng em deng tasa' atih, na hudo' aleng jam na' awi kelunan aleng tasa', dahin awi jam tuk manuk lahuh awi jam tuk tulan aleng pat kudek, dahin awi ket aleng nganap réh.