Popular Bible Verses from ARING KELESING 49

Share

Lavung aren seng em tei pebet té' Yehuda, tada' keligem na' pah seng em peletu pebet men alem sepakang na', tuken-tuken iha' nei, iha' tih iha' aleng hipun na', ketu-ketu bengsa' seng nyepida tua té' iha'.

“Yusuf seng awi iung bua aleng lengoh, awi iung bua aleng té' béh ata' itung, da'an-da'an na' pah nyelahup tua lalau-lalau kelahen na' atih. Lan pah daha' aleng pakei jelut atih uh meté' langa' daha' dahin pehigum iha'

bi nusi' jelut na' atih mun tei hapat peletu, lengen na' pah aleng kelalau tu'a lahuh kenan usu Laké' Aleng Kelalau Ningan, aleng nyingau akui Yakub taman kelo' anih, kenan Laké' Aleng Puboh akui aleng Ngalang Bato' Israel anih lahuh, Allah tamam anih aleng seng masi ika', Allah Aleng Hipun Tingan aleng muak asi Na' men ika', iha' tih asi aleng men langit atih, dahin asi aleng awi ata' itung aleng nei men alem tana réh, dahin muak asi Na' men ika', nei pekatan anak-anak dahin sau-sau ka' lahuh.

“Yehuda, ika' aleng seng en dalo' harim hek, usu ka' aleng seng mangen daha' aleng bunu-bunu ka', dalo' anak kui aleng tamam anih seng nukem tua ha' unan ka'. Yehuda aleng awi anak singa', uh ka' nyekalat kelunan, ika' pah tei peju ha' ji ngavan aleng bau, u anak kui, ika' ngelebeng dahin miri awi singa' dih, hi aleng seng makang nei nigoh ika'?

“Ruben, ika' nah aleng anak una' kui, anak tubak kui men alem kui ji'ek tu'a. Ika' aleng tagep dahin aleng tu'a men lim kelo' aleng anak kui. Bi ika' aleng kelalau selanguk, em deng en ta' duan, nusi' nah ika' hipun aran anak una' la'an, avin ika' uh tei nyeliwei udu tamam, tegu anan ika' uh tei alem tilung kui, ika' uh tei demasep na' men akui!