Popular Bible Verses from USANG DAHA' ISRAEL 9

Share

Bi anih nah tavit na' Akui pekurip ika', ja akui bara tu'a Kui men ika' dahin ja aran Kui en daha' pedengah ji usun tana anih.

Lun en Tuhan duan pah Musa la'an, “Tei nah im bara Firaun Dahuk nih, ‘Nunih nah dahun Tuhan Allah daha' Ibrani: Bei nah daha' pahu Kui anan tei, ja daha' sebayang té' Akui.

Java' nah Akui ngioh kenep Kui lan, uh men hiran nah Akui mivi usu Kui lematei ika' dahin daha' alem daléh anih té' perah pegei, dahin madé' ikam té' usun tana anih.

lim-lim hulung ka', iha' tih guda', keledei, unta', sapi', kading dahin duba ka', seng ga' perah pegei aleng mahnga' lelan, iha' tih perah aleng Ek nei. Akui seng nelesen hulung daha' Israel men anun kam Mesir, ji-ji pah em té' aleng seng matei aleng anun daha' Israel anih,’ kum men iha'.”

Lan, tegu jaka' nunih jima, Akui seng menei usan bato' aleng lalé' bavah, nusi' payan té' usan bato' aleng awi nunan uh men'a té' daléh Mesir anan, men menaring ateng dau anih pah em té' ket nunan. Avin anan, lim hulung ka' dahin ketanum aleng ha' luma', im peng nah té' avan aleng dena' sayu. Lim kelunan dahin hulung aleng ha' luma' aleng em uli huma seng matei ga' usan bato' anan,’ kum men Firaun,” ken Tuhan.

Uning anan pah ngelepup tei té' ji-ji daléh Mesir, kelunan dahin hulung-hulung pah ga' perah aku aya' anan kenan uning anan. Ngepu'an ngebelirik tua nah perah anan té' daha' daléh Mesir anan.” En dawa' ala nah uning men alem avo', pelalau tei pala Firaun, en Musa urah nah uning anan bau, pelalau tuku nah kelunan dahin hulung, uh anan balui paho' aya' lan nah ket atih té' daha'.