Popular Bible Verses from USANG DAHA' ISRAEL 20

Share

“Akui nah Tuhan, Allah kam, aleng uh geri ikam musang men tana Mesir, men ngavan kam jadi' dipen arei dih. “Meng kam sebayang té' ket tung-tung aleng dep men'uh Akui.

“Meng kam na hudo' ngioh awi ju ket nun-nun aleng ha' langit aleng hujung, nunan pah aleng ha' tana aleng hida lahuh, nunan pah aleng té' té' alem hungei behida tana lahuh. Meng kam nyepida tei ngetalau té' ket nunan, meng seng nyeluk té' iha', avin Akui nah aleng Tuhan Allah kam, Allah aleng mi'en. Akui nyulei sala taman tei ateng ha' anak-anak daha', ateng ha' tebin na' aleng ketlo' dahin aleng kepat men daha' aleng heléh té' Akui nutih.

“En kam ju nah taman kam dahin hinan kam, ja urip kam aru té' tana aleng en Tuhan Allah kam uk men ikam.

“Hituk nah ikam té' Dau Kelarah ja kam na na' ma'ang.

“Meng kam metut aran Tuhan Allah kam tung-tung, avin Tuhan té' nyineng sala kelunan aleng metut aran Na' tung-tung nutih.

Nem dau dara na' ikam nyadui dahin na nun-nun hadui kam, bi dau aleng ketusu anan nah Dau Kelarah, en kam na men Tuhan Allah kam. Meng seng na nun-nun hadui té' dau anan, sayu pah ika', nurei pah daha' anak-anak ka' aleng laké', nurei pah daha' anak-anak ka' aleng doh, nurei pah panyin ka' aleng laké', nurei pah panyin ka' aleng doh, nurei pah hulung ka', nurei pah daha aleng nyakei té' alem amin ka'.

“Meng kam ngivah uma daha' ha' béh, meng kam ngivah hawan daha' ha' béh, nurei pah panyin na' aleng laké', nurei pah panyin na' aleng doh, nurei pah sapi' na', nurei pah keledei na', nurei pah ket nun-nun aleng anun daha' ha' béh.”

“Meng kam na teksi' aleng pamoh men kelunan.

“Meng kam nuyang.

“Meng kam lematei kelunan.

“Meng kam nakau.