Popular Bible Verses from USANG DAHA' ISRAEL 15

Share

Ken Na' men daha', “Awi ikam tangen lelan ngioh Dahuk, aleng Tuhan Allah kam, dahin na ket aleng teneng ha' unan Kui, dahin meting iling kam kelenghi Dahuk bara katuk-katuk Kui anih, dahin tangen ngioh lelan lim tebara Kui, nusi' nah Akui seng menei nun-nun perah aleng Ek tei té' daha' Mesir dih, avin Akui nah Tuhan aleng petagéh ikam.”

Tuhan nah aleng u'a kui dahin aleng ek hek, Iha' nah aleng pa'un urip kui, Iha' nah aleng Allah kui, aleng ek hek lelan, Iha' nah aleng Allah tamak, aleng ek ju lelan.

“U Tuhan, hi kah aleng awi Ika', té' hang ket en daha' ketalau? Hi kah aleng maren awi Ika'? Avin Ika' kelalau ma'ang, avin hadui Ka' aleng kelalau dengah, Ika' na hadui ngavan ta' ngeniheng lahuh.

“Té' halam Ka' aleng em tei ketapah atih Ika' uh mayak daha' pahu Ka' aleng uh Im akau. Té' tu'a Ka' Ika' uh mayak daha' ha' Ngavam aleng ma'ang atih.

Ateng nah daha' ha' Mara, nusi' daha' deng du'i ata' aleng ha' Mara anan, avin pa'i. Anan nah tavit na' daha' na aran tinan Mara. Lun pekelebeng tua nah daha' Israel na Musa, ken daha', “Seng ket nun en amé' du'i?” Iha' nah Musa sebayang té' Tuhan, iha' nah Tuhan bara ji utuh kayo', en Musa sau nah kayo' anan alem ata' anan, pelalau mih nah ata' anan. Tinan nah Tuhan petneng ji daho' dahin ji tebara men daha', tinan pah Tuhan pesek daha' anan.