Popular Bible Verses from Luk 19

Share

Yensa abocin ayéjeeniŋ: - Aji úfegeŋ ni Údiigeeno M'acaabenaane adékirne ba a duniyaŋo, ba bútibhu m'annimne k'apahuneeniŋ. Hómár adooremne a duniyaŋo. Nim Yensa alóbne.

- Ingah! Umaasaŋo ummu, mu Umuyhintor Díino abúuñurne, akandurenkandur barake báde! Ummu agune m'adootne mintor básunkintor ingi Díino. Inramunoonuŋ Díino Amánduko n'agune arjanna! Infuuhurinoonuŋ ámár Díino n'amune sembeŋo nip! Nim jamaŋo ganlóbohne dam f'aŋŋane bubendihu Yensa.

Angu na Yensa ayéjne: - Ingah! Bísibaŋo bi gub ayikyik a dígo inno mu Díino apahunne a kunyoku júnubonkánom. Ayéjeeniŋ: - Ingah! Ummu m'úfegeŋne nanka, úmár mees, umaamalinku Ibrahiima dakat. Horaŋ akanne k'íyeji nim? Mara, maŋ ni maamankintor Ibrahiima afiyumne Díino, ummu mees maŋ nim gafiyumemne bísibaŋo bi gub.

Angu adékiidek, Yensa apútor. Angu Yensa bapútri, awonn a búdupihu sinoŋo, afég Sake a raafo. Ayéjem: - Sake! Kuculo was! Gub mint ba katiñaŋ a díken gídekeminne! Angu Sake, bayennehini mara ba katiñaŋ a díkinem gandékehne, asúumom dáde k'akucor was k'ayéj: - Índokoŋ! K'adooh Yensa ingi ñantaalibehinem k'adékureeniŋ ba a díkinem.

Angu dam, Sake akucunkucun jamaŋo hóbun, anéereeniŋ k'anyaahála. Adékiidek akeng k'adante ayéj Umuyhintor: - Arafaŋ! Ingah! Me marigen, fam giyaahayaah jamaŋo. Kanda inini, gub, ificilahinkineh kunyikhum a jégeneŋo, k'idooh gúbido gúduko íneer ñanyikireŋo. Ingi mees, m'iyaahne bakodihinin, íneekineeniŋ, ki nim immereŋ moŋon moŋon ajah gukibhinem buruhu waasaŋ arenekeŋ h'eyaahemerne. Nim gídekehne bukaano.

Agida fo jamaŋo anlóbohne nim, ayikyik ñanfarasiyaŋ ímpiinam m'anguy na a barumuno. K'angu immereŋ anyéjem: - Arafaŋ! Yéjer ñantaalibehen ankota! Dahi anlób ineeŋ! K'ayéjeeniŋ: - Dajóon k'íyejeeniŋ ankota! Túyoreŋ k'íteekinoonuŋ; Haani immi ankota, kanda bawaalo nip anramunkuneh Díino! Angu, antifeh binaalo ba hadéko ba Jerusalem.