Popular Bible Verses from Ïïjjïn 49

Share

Yätkïtïn batta bi kaacï woo paa ba' Yahüüja, aŋ kilkä yeeke kamat ken bi mügït aŋ ṭoŋ ike bi äckätä iñdinni aŋ ike bi tiiŋkätä.

Yuucip a jaan yaana giit kä yaac ye, a jaan yaana giit kä ceere yen piik ye, kimke muulu kaal wic. Aŋ ädäŋŋi yeeke ike irki kä yaacken, aŋ ike ḍiŋi kä cäwgä aŋ ike baaydi kä yaac.

Aŋ kaay yeene agee kä yïïcon, aŋ bugge bïtäraŋ kä teynä Jooŋ yen Yaagüüp yaana Lïïṭït ye, aŋ kä kaaydo yaana daŋit, a yen mä Icärayiil ye, a Jooŋ yen wääc ken ïkï yüükkedey ti, aŋ a Jooŋ yaana Lïïṭït ye, ken ïkï ŋüülkedey kä ŋüülkïnni yek ñaal yaaka ñaalok polloŋ jï ye, ke ŋüülkïnni yek piik yaaka lürgaŋ ïñï ŋommañ jï ye, ke ŋüülkïnni yek tingä ke kun.

Yahüüja, mädgic ïkï bi maaŋgi. Ïṇtü bi wäätï ädäŋŋi yüükü ḍuuggen ti. Aŋ merkä yek wääc muure bi ḍüŋjïdï ïñï ñomü ti. Yahüüja a geel ṭuule yaana ḍaŋŋä kä ammä waak'a näge ye. Aŋ yore meecce woo aŋ baati m'ana ike cükü yok ye.

Robïïn, ïkï agä kaygon yeeni, aŋ teynä yeeni ke ïkï agä minneni ïïjïnï woo yen dürkïtïnï, aŋ ïkï agä kültü yen eemdin ke kültü yen teynä. Ïkï beelä bata piik tääl wiñe yaaka ïïjïdï ti ye, aŋ ïkï batta bi küülüküül ŋuca, nääŋka attii kä bür yen wääc ti aŋ ḍäälleeda kä yok ye.