Popular Bible Verses from ሮመ 1

Share

ምሽራቹዋ ቃላይ ታና ዬላየና፤ እ አማንያ ኡባ፥ ካሰቲደ አይሁዳ አሳ ቃይ አይሁዳ ግደና አሳ አሻናዉ ጾሳፐ ይያ ዎልቃ።

አያዉ ጎፐ፥ ጾሳ ማጻፋይ፥ “ጽሉ ጾሳን አማነቲደ ደአና” ያግያዋዳን፥ ጾሳይ አሳ ኮይሮፐ ዉርሰ ጋካናዉ፥ አማኑዋን ጽልስያዋ ምሽራቹዋ ቃላይ ቆንጭሴ።

ቤተና አ ሀኖታይ፥ ሄዌካ አ መና ዎልቃይነ አ ጾሳተይ እትፐ ጾሳይ ሀ አላምያ መዳዋፐ ዶሚደ፥ ኡንቱንቶ ቆንጪደ ቤቴዳ፤ ኡንቱንቱ ሄዋ ጾሳይ መዳባፐ በአናዉ ዳንዳይያ ድራዉ፥ ኡንቱንቶ ጋሶይያባይ ባዋ።

አያዉ ጎፐ፥ ኡንቱንቱ ጾሳ ኤሮፐካ፥ አዉ በስያ ቦንቹዋ እምበይክኖ፤ ቃይ አ ጋላትክኖ። ሽን ኡንቱንቱ አላለ ከሰናባ ቆፒኖ፤ ቃይ ኡንቱንቱ አኬከና ዎዛናይ ሜዳ።

አያዉ ጎፐ፥ ኡንቱንቱ ጾሳ ቱማተ ዎርዱዋን ላሜድኖ፤ ቃይ መዳ ጾሳ አጊደ፥ እ መዳባዉ ጎይኔድኖነ ኦድኖ። ጾሳይ መናዉ ጋላተቴዳዋ። አመንእ።

ቱማተይ ኤረታናዋ ባረንቱ ኢታ ሀኖታን ድግያ ናጋራ ኦሱዋ ኡባ ቦላንነ አሳ ኢታ ኦሱዋ ኡባ ቦላን፥ ጾሳ ሀንቁ ሳሉዋፐ ዎደ ቆንጫና።

ሄዋ ድራዉ፥ ጾሳይ ኡንቱንቱ ፖኮባ አሞታና ማላ፥ ኡንቱንታ አጌዳ፤ ሀራይ አቶ ኡንቱንቱ ማጫዋንቱ ባረንቶ በስያዋ አጊደ፥ በሰናዋ ሀኔድኖ። ሀዋዳንካ፥ አቱማ አሳይ ቃይ ባረንቶ በስያዋዳን ማጫዋንቱና ጋከትያዋ አጊደ፥ እቱ እቱዋና ጋከታናዉ ኮዬድኖ፤ አቱማ አሳይ እቱ እቱዋና ፖኮባ ኦደ፥ ባረንቱ ኦዳ ባላን ባረንቶ በስያ ፕርዳ አኬድኖ። ኡንቱንቱ ጾሳ ኤራናዉ ዶሰናን እጼዳዋ ኬና ጾሳይ ኡንቱንቱ በሰናዋ ኦና ማላ፥ ኡንቱንቶ ፓና ቆፋ እሜዳ።

ኡንቱንቱ ባረንታ አዳ ኤራንቻ ጊኖ፤ ሽን ኡንቱንቱ ኤያ። ኡንቱንቱ ሀይቀና ጾሳዉ ጎይንያዋ እጺደ፥ ሀይቂያ አሳ መታ፥ ካፋቱዋ መታ፥ ዶአቱዋ መታነ ትራን ጎሸትያዋንቱ መታ መቴዳዋንቶ ጎይኔድኖ።