Popular Bible Verses from ፓይዱዋ 22

Share

ሄዋፐ ጉይያን፥ መና ጎዳይ ሀራት ዶና ዶይና፥ ሀራታ ባላማ፥ “ታን ነዉ አይ ኦኔ ኔን ታና ሀ ሄዙ ገደ ቡኬዳዌ?” ያጋዱ።

ሄዋፐ ጉይያን፥ መና ጎዳይ ባላማ አይፍያ ዶይና፥ መና ጎዳ ኪታንቻይ ሾኩዋፐ ሾዴዳ ማሻ ኦይቂደ፥ ኦግያን ኤቄዳዋ በኤዳ። እ ልጭ ጊደ፥ ሶምኡዋ ሳኣ ጋደ ጉፋኔዳ።

መና ጎዳ ኪታንቻይ አ፥ “ነ ሀራቶ ሀ ሄዙ ገደ አያዉ ቡካዲ? ነ ኦጊ ታ ስንን ጌላ ግድያ ድራዉ፥ ታን ኔና ተአናዉ ሀዋ ያድ።

ሀራታ ባላማ፥ “ታን ነ ደኦ ኡባን ሀች ጋካናዉ ቶግያ ነ ሀራቶ ግድክታ? ታን ነዉ ሀዋዳን ሀና ኤራይታ?” ያጋዱ። ባላም፥ “ሀና ኤራካ” ያጌዳ።

ባላም ሀራቶ፥ “ኔን ታና ኤየዳ ድራሳ። ታ ኩሽያን ማሻይ ደኤዳዋ ግድንቶነ፥ ታን ኔና ሀእ ዎና ሽን!” ያጌዳ።

ሀራታ መና ጎዳ ኪታንቻ በኣደ፥ ባላም ቶጎዋን ግሳዱ። ባላም ሎይ ሀንቀቲደ፥ ባረ ጻምአን ሀራቶ ቡኬዳ።