Popular Bible Verses from ኢያሳ 7

Share

እስራኤልያ አሳይ ናጋራ ኦዳ፤ ታን ኡንቱንቱና ጫቀቴዳ ታ ጫቁዋ አድኖ። ኡንቱንቱ ማጋራ ጌተቴዳ ሚሻቱዋፐ አኬድኖ፤ ዉኤድኖ፤ ዎርዶቴድኖ። ቃይ ሄ ሚሻ ኡንቱንቱ ባረንቱ ሚሻና ጋ ዎድኖ።

“ደንዳ፤ አሳ ጌሻ። ኡንቱንቶ ሀዋዳን ያጋደ ኦዳ፤ ‘ዎንትዉ ህንተንቱ ሁጲያዉ ጌይተ። ጾሳይ እስራኤልያ ጾሳይ ህንተንታ፤ “እስራኤላቶ፥ ማጋራ ጌተቴዳ ሚሻይ ህንተንቱ ማታን ደኤ። ህንተንቱ ሄ ሚሻ ህንተንቱ ማታፐ ድጋና ጋካናዉ፥ ህንተንቱ ሞርከቱዋ ስንን ኤቃናዉ ዳንዳይክታ” ያጌ።

ሄዋ ድራዉ፥ እስራኤላቱ ባረንቱ ሞርከቱዋ ስንን ኤቃናዉ ዳንዳይክኖ። ኡንቱንቱ ያናዉ በስያ ድራዉ፥ ባረንቱ ሞርከቱዋ ስንፐ ባቃቴድኖ። ማጋራ ጌተቴዳ ሚሻ ህንተንቱ ማታን ደእያዋ ህንተንቱ ይሳና ዮፐ፥ ሀዋፐ ስንዉ ታን ህንተንቱና ግድከ።